అక్కడి నిజం ఇక్కడిది కాదు
కడలి కలవరమంతా చేరేదెక్కడికి
ప్రతి ప్రతిమకీ నీడ ఉండదు
ఉక్కిరి బిక్కిరి కన్నీళ్లు
ఎన్నెన్నో రోష సంకోచాలు
సో సో భోగాలు
నో నో న్యాయాలు
మాటల తోడుతో
స్పర్శల గమ్యమేది
చర్మ శోకాలేవి
నేత్ర స్వర్గమేది
ప్రార్ధించే పెదాల్లో కత్తులు
కన్నులోని కంటికి చోటులేదు
కంటికింద కన్నీళ్ళకి చూపులేదు
అర్బన్ కార్బన్ పేపర్ బంధాలు
కాలం తాకిన చప్పుడు
గెట్ అవుట్
Tuesday, April 06, 2010
Monday, April 05, 2010
ఉమ్మలికం
శరీరాంతర శోకంతో ఏమి తర్కిస్తాం
నిశ్చల పదముద్రల్లో అర్థమెక్కడిది
ప్రేమించే దేహం అవతల ఎవరున్నారు
పసిమి స్వప్నాల దెందంలో ఎన్ని రంగులున్నాయి
జాలి నిండిన జల్లెడలో మిగిలిన పదాలెన్ని
అంతిమాశ్రువుల్ని పలకరించిన అధరం ఎవరిది
ఉజ్వల ఉషస్సుల గమ్యం చూపలేదని అలిగిందెవరు
కపట రేఖల పుష్పాల్లోని మాధుర్యం ఎవరికి
ఉదర ఉద్యానవనంలోని కంటకాల్ని తొలగించేదెవరు
పసిపిల్లల పాలబొమ్మలు ఎక్కడ ఆడుతున్నాయి
అలిఖితానంద కాలధూళిని అంజలించేదెవరు
పెదాల చీకట్లో గగన దర్పాన్ని దాచిందెవరు
నయన విచ్చిత్తిలో నిరీంద్రియమవ్వటం తెలుస్తుందా
ప్రఫుల్ల దీప తోరాణాల్ని కూర్చిందెవరు?
నిశ్చల పదముద్రల్లో అర్థమెక్కడిది
ప్రేమించే దేహం అవతల ఎవరున్నారు
పసిమి స్వప్నాల దెందంలో ఎన్ని రంగులున్నాయి
జాలి నిండిన జల్లెడలో మిగిలిన పదాలెన్ని
అంతిమాశ్రువుల్ని పలకరించిన అధరం ఎవరిది
ఉజ్వల ఉషస్సుల గమ్యం చూపలేదని అలిగిందెవరు
కపట రేఖల పుష్పాల్లోని మాధుర్యం ఎవరికి
ఉదర ఉద్యానవనంలోని కంటకాల్ని తొలగించేదెవరు
పసిపిల్లల పాలబొమ్మలు ఎక్కడ ఆడుతున్నాయి
అలిఖితానంద కాలధూళిని అంజలించేదెవరు
పెదాల చీకట్లో గగన దర్పాన్ని దాచిందెవరు
నయన విచ్చిత్తిలో నిరీంద్రియమవ్వటం తెలుస్తుందా
ప్రఫుల్ల దీప తోరాణాల్ని కూర్చిందెవరు?
Sunday, April 04, 2010
కృత్రిమ మిత్రుడు
స్నేహితుణ్ణి కాను
వెర్రిబాగులోన్ని
వర్ణమాలతో పాటు స్నేహమాలని నేర్చుకోలేకపోయా
స్నేహ చిహ్నాలు
స్నేహలిపి అలభ్యం
ఎవరికీ ఏమీ కానివాన్ని
ఏకకాలంలో తెలియజెప్పే జరామరణాల్ని
చూసే అద్దం ఎక్కడుంది
వృద్ధత్వం లేని మితృత్వం ఎవరికుంది
నీతి విచక్షణలు నాకు లేవు
దీపాల కన్నీటి ఈటెలు దిగబడుతున్నా
నీడల కళ్ళల్లో భయం పోదు
పై పై కొస్తున్న చినుకుల గుంపు
మెడ తెగిన వడగల్లై కుక్కగొడుగులై
జారుతున్న ఆకులౌతున్నప్పుడు ---
తేలుతూ ఓపికలేని గాలి
పడిలేస్తూ కంటి కిందకి చేరింది
ఏదో ఆతృతలో
ఎక్కడికి చేరిందో చూసుకోలేదు
కరకు ఎదల వాకిట్లో నిలబడింది
ఎందుకొచ్చావని అడగట్లేదు
బతికున్నందుకు నిలదీశారు
ఆ దారేదో చెప్పండి వెళ్తానంది
కౄర వాక్యాల్ని మోసుకెళ్లలేనంది
నాకు అక్షరమైత్రి లేదంది
దారులన్నీ బూజుపట్టి ఉన్నాయంది
అంతమవ్వని అహం
నా కృత్రిమ మిత్రుడు
వెర్రిబాగులోన్ని
వర్ణమాలతో పాటు స్నేహమాలని నేర్చుకోలేకపోయా
స్నేహ చిహ్నాలు
స్నేహలిపి అలభ్యం
ఎవరికీ ఏమీ కానివాన్ని
ఏకకాలంలో తెలియజెప్పే జరామరణాల్ని
చూసే అద్దం ఎక్కడుంది
వృద్ధత్వం లేని మితృత్వం ఎవరికుంది
నీతి విచక్షణలు నాకు లేవు
దీపాల కన్నీటి ఈటెలు దిగబడుతున్నా
నీడల కళ్ళల్లో భయం పోదు
పై పై కొస్తున్న చినుకుల గుంపు
మెడ తెగిన వడగల్లై కుక్కగొడుగులై
జారుతున్న ఆకులౌతున్నప్పుడు ---
తేలుతూ ఓపికలేని గాలి
పడిలేస్తూ కంటి కిందకి చేరింది
ఏదో ఆతృతలో
ఎక్కడికి చేరిందో చూసుకోలేదు
కరకు ఎదల వాకిట్లో నిలబడింది
ఎందుకొచ్చావని అడగట్లేదు
బతికున్నందుకు నిలదీశారు
ఆ దారేదో చెప్పండి వెళ్తానంది
కౄర వాక్యాల్ని మోసుకెళ్లలేనంది
నాకు అక్షరమైత్రి లేదంది
దారులన్నీ బూజుపట్టి ఉన్నాయంది
అంతమవ్వని అహం
నా కృత్రిమ మిత్రుడు
Saturday, April 03, 2010
అవ్యక్తం
ఎంత రాసినా పెన్సిల్ ములుకు
ఒక్క వాక్యం కూడ పూర్తి చెయ్యదు
అంతరంగం
దుఃఖంలో పరిచయం కాదు
నూకలు తిన్న సూర్యుడు
ఎక్కడ ఆడుతున్నాడో
ఏ మైదానంలోంచో
దారి తప్పి ఒచ్చిందొక సాయంత్రం
పెన్సిల్ గీతల్తో
ఒక అద్దాన్ని తయారుచేసాను
నా ముఖాన్ని తుడిచేసాను
ఒక్క వాక్యం కూడ పూర్తి చెయ్యదు
అంతరంగం
దుఃఖంలో పరిచయం కాదు
నూకలు తిన్న సూర్యుడు
ఎక్కడ ఆడుతున్నాడో
ఏ మైదానంలోంచో
దారి తప్పి ఒచ్చిందొక సాయంత్రం
పెన్సిల్ గీతల్తో
ఒక అద్దాన్ని తయారుచేసాను
నా ముఖాన్ని తుడిచేసాను
Friday, April 02, 2010
కొన్నిసార్లు ...
పరిగెత్తే అద్దం
సుదూరాన్ని చివరిగా చూసే పదాన్ని వెతుకుతుంది
శాంతించని పుష్పాలే
ఎక్కడికక్కడ మౌనభూమికై రాలుతున్నాయి
కట్టుడు నాలుకలు
దిగంతాల జ్ఞానాన్ని చప్పరిస్తున్నాయి
గాలి లోపలి నది
తీరం చేరని భయాన్ని మోస్తోంది
కుంటుతున్న దీపం
పాప పుణ్యాల్ని చెదరకోడుతోంది
దేహమయ్యే వాక్యాల్ని
అంటాం అంతిమ అందాలని
ఆ రాత్రినే
దాచిపెట్టు నేలవంకకీ తెలియకుండా
ఆమె అతడ్నీ
అతడు ఆమెను నీలో చూశారు
స్పర్స ప్రవాహాల శోకమే
ఆఖరి ఆకాశం
తరలివొచ్చే అలలే
ఎటు చూస్తాయో చెప్పవు
కొన్ని రాళ్ళే
మరికొన్ని కళ్ళు
సుదూరాన్ని చివరిగా చూసే పదాన్ని వెతుకుతుంది
శాంతించని పుష్పాలే
ఎక్కడికక్కడ మౌనభూమికై రాలుతున్నాయి
కట్టుడు నాలుకలు
దిగంతాల జ్ఞానాన్ని చప్పరిస్తున్నాయి
గాలి లోపలి నది
తీరం చేరని భయాన్ని మోస్తోంది
కుంటుతున్న దీపం
పాప పుణ్యాల్ని చెదరకోడుతోంది
దేహమయ్యే వాక్యాల్ని
అంటాం అంతిమ అందాలని
ఆ రాత్రినే
దాచిపెట్టు నేలవంకకీ తెలియకుండా
ఆమె అతడ్నీ
అతడు ఆమెను నీలో చూశారు
స్పర్స ప్రవాహాల శోకమే
ఆఖరి ఆకాశం
తరలివొచ్చే అలలే
ఎటు చూస్తాయో చెప్పవు
కొన్ని రాళ్ళే
మరికొన్ని కళ్ళు
Wednesday, March 31, 2010
అసంపూర్తి చిత్రాలు
మాటలు లేవు చంద్రుడుకి భూమికి
ఇక ఆకాశ మధ్యవర్తిత్వమే ఫలించాలి
నదిని తోడుతున్నాడు జాలరి
పడవందుకే అతన్నే చేరదీసింది
ద్రవ పుష్పాలు హృదయంలో
పైకి వస్తే తెంపరూ
వెదుర పూల వయసొచ్చినా
ఇంకా అప్రయోజకుడ్నే
నదిలో మునకలేస్తూ
వేసవి చంద్రుడు
దూరమొచ్చానా దూరమయ్యానా
అని అశ్రు సంశయం
దిక్కుతోచని మేఘాలు
కొండెక్కి కలవరపడుతున్నాయి
సన్యసించే దుఃఖం లేదు
పరివ్రాజకుడా జీవించు
ఇక ఆకాశ మధ్యవర్తిత్వమే ఫలించాలి
నదిని తోడుతున్నాడు జాలరి
పడవందుకే అతన్నే చేరదీసింది
ద్రవ పుష్పాలు హృదయంలో
పైకి వస్తే తెంపరూ
వెదుర పూల వయసొచ్చినా
ఇంకా అప్రయోజకుడ్నే
నదిలో మునకలేస్తూ
వేసవి చంద్రుడు
దూరమొచ్చానా దూరమయ్యానా
అని అశ్రు సంశయం
దిక్కుతోచని మేఘాలు
కొండెక్కి కలవరపడుతున్నాయి
సన్యసించే దుఃఖం లేదు
పరివ్రాజకుడా జీవించు
Thursday, March 11, 2010
ఒక చైత్ర సాయంత్రం
ఒకప్పటి జ్ఞాపకమేదీ లేని ఆకాశం
నవ్వుల మబ్బులతో పిచ్చిగా వెళ్ళలేక
ఒకప్పటి మబ్బుల ఈకలు లేని ఆకాశం
జ్ఞాపకాల నవ్వులతో పిచ్చిగా పోలేక
నేలపై అవి చూసిన రోజుల్ని
రోజుల్ని మరిచిన నేలని
ఇప్పుడు నేనూ మరిచిపోయాను
ఒకానొక ఊరి ఊడల తాడులోంచి
వేలాడే జారిపోయాను
అయినా బతికున్నానని
బతకలేదు ఊరిని దాటేంత వరకు
ఇదిగో బయలు దేరాను
ఒకప్పుడు ఎగిరిన ఆకాశంలోకి
నవ్వుల మబ్బులతో పిచ్చిగా వెళ్ళలేక
ఒకప్పటి మబ్బుల ఈకలు లేని ఆకాశం
జ్ఞాపకాల నవ్వులతో పిచ్చిగా పోలేక
నేలపై అవి చూసిన రోజుల్ని
రోజుల్ని మరిచిన నేలని
ఇప్పుడు నేనూ మరిచిపోయాను
ఒకానొక ఊరి ఊడల తాడులోంచి
వేలాడే జారిపోయాను
అయినా బతికున్నానని
బతకలేదు ఊరిని దాటేంత వరకు
ఇదిగో బయలు దేరాను
ఒకప్పుడు ఎగిరిన ఆకాశంలోకి
Tuesday, March 09, 2010
ఒక అబద్ధం
ఒప్పందాలు లేవు
కలలకి, కళ్లకి.
దృశ్యాలన్నీ
నీవీ, నావే
మురిసిపోయి
చూశాం, పలకరించాం
వేర్వేరు దారుల్ని కలిపే స్నేహం
విరబూసే నిద్రదే.
రాత్రే
ఆకాశంలో ఉండదు
ఎదురు పడవు
కలలు, కళ్లు
అదృశ్యాలయ్యే
చిత్ర ఛాయల్నే నమ్మాలి.
ప్రవహించే హైరానా జాగృత జగత్తులో
అన్నింటికీ జరామరణాల శాపాలే.
అవి ఎవరి కలలు
ఎవరి కానుకలు
కలల కబుర్లు చెప్పే
ఆ మాయావిని పారిపోకుండా పట్టుకోవాలని
ఎన్నో స్వప్న ముద్రలు
అడ్డుపడే జీవితమొక్కటే
అనువదించినా, అన్వయించినా
అంతరార్థాల చిక్కుముడుల్ని విప్పేదెవరు
ఒదిలొచ్చిన కళ్లలో
కలల కన్నీళ్లే
కలలకి, కళ్లకి.
దృశ్యాలన్నీ
నీవీ, నావే
మురిసిపోయి
చూశాం, పలకరించాం
వేర్వేరు దారుల్ని కలిపే స్నేహం
విరబూసే నిద్రదే.
రాత్రే
ఆకాశంలో ఉండదు
ఎదురు పడవు
కలలు, కళ్లు
అదృశ్యాలయ్యే
చిత్ర ఛాయల్నే నమ్మాలి.
ప్రవహించే హైరానా జాగృత జగత్తులో
అన్నింటికీ జరామరణాల శాపాలే.
అవి ఎవరి కలలు
ఎవరి కానుకలు
కలల కబుర్లు చెప్పే
ఆ మాయావిని పారిపోకుండా పట్టుకోవాలని
ఎన్నో స్వప్న ముద్రలు
అడ్డుపడే జీవితమొక్కటే
అనువదించినా, అన్వయించినా
అంతరార్థాల చిక్కుముడుల్ని విప్పేదెవరు
ఒదిలొచ్చిన కళ్లలో
కలల కన్నీళ్లే
జీవితం
కొనలేనివి ఎన్నున్నా
ఆమె అడిగింది కొన్ని పూలనే
అవి ఎక్కడుంటాయో
అసలు దొరుకుతాయో లేదో
ఈ క్షణంలో
పూల వాసన గుర్తుకు రావట్లేదు
కాలశిల్పం దగ్గర
లభించేది ఏదీ లేదు
ఇక చివరి చీకటి
అంచులపై ప్రయాణించాలి
ఆతృత లేదు
ఆదుర్దా అంతకన్నా లేదు
పూల అవసరం దేనికి?
ఆనంద భంధనాలకా
దుఃఖ నిర్భంధనాలకా
ఆవేదనల విముక్తికా
కడసారి కన్నీల్లకా
ఎందుకైతేనేం
కొన్ని పూలున్న చోటికి వెళ్ళాలి
ఓడిపోతావా...
ఓడిపో అని జీవితం ఎప్పుడూ చెప్పదు
దినదిన గండమే ప్రతి కృషీ విఫలమైతే
మార్పు కోరే ఎండమావులే అంతటా
అన్నింటా
ఇది విజయం అని మనసు ఎప్పటికీ చెప్పదే
రెక్కల చీకటి లేదు
గాలి కన్నులూ లేవు
తారీఖులు లేని రోజు ఒకటైనా ఉంటే
కనీసం విజయం ఇచ్చే సువాసనైనా అనుభవిస్తా
ఎప్పటి ఓటమైనా
ఆక్టోపస్ కౌగిలిలోనే
ఓడినవారికి
సమాధి లేదు
దినదిన గండమే ప్రతి కృషీ విఫలమైతే
మార్పు కోరే ఎండమావులే అంతటా
అన్నింటా
ఇది విజయం అని మనసు ఎప్పటికీ చెప్పదే
రెక్కల చీకటి లేదు
గాలి కన్నులూ లేవు
తారీఖులు లేని రోజు ఒకటైనా ఉంటే
కనీసం విజయం ఇచ్చే సువాసనైనా అనుభవిస్తా
ఎప్పటి ఓటమైనా
ఆక్టోపస్ కౌగిలిలోనే
ఓడినవారికి
సమాధి లేదు
Thursday, March 04, 2010
విధి వీధి
ద్రోహ స్వప్నాల్లో స్నేహితులు
శత్రువులు బతికే ఉంటారు
దిగులు హస్తాలతో
అక్షరాల హింసే కురూపి
మనసులో చర్మ వ్యాధులు
కీటకాల పాదాల కింద
వృత్త వివక్షలు
నివృత్త విషాదాలు
విశాల విలయాలు
వాయుగర్భ దహనంలో
ప్రారబ్ధ పునరుక్తి సంతోషాలు
ప్రాప్త దుఃఖాలు
వీడ్కోలు చెప్పే విధి వీధి
ఎక్కడుందో కొంచెం చెప్పరూ !
శత్రువులు బతికే ఉంటారు
దిగులు హస్తాలతో
అక్షరాల హింసే కురూపి
మనసులో చర్మ వ్యాధులు
కీటకాల పాదాల కింద
వృత్త వివక్షలు
నివృత్త విషాదాలు
విశాల విలయాలు
వాయుగర్భ దహనంలో
ప్రారబ్ధ పునరుక్తి సంతోషాలు
ప్రాప్త దుఃఖాలు
వీడ్కోలు చెప్పే విధి వీధి
ఎక్కడుందో కొంచెం చెప్పరూ !
Friday, February 12, 2010
వస్తావా!
అతుకుల ఆకలే, అంటుకట్టే ఆసరా దొరకదు
ఆత్మీయ అంతరిక్షంకేస, ఆనందాలన్నీ
అవహేలనా అహంకారంకింద, అణిగిమణిగి
అనంత అంతరంగానిక, అవధి ఏది
అలంకృత అన్ధత్వంలో, అశ్రువులు ఎవరివి
అంతటా అంతుచిక్కని చల్లటి వెలుతురు
సాగిలపడిన వెచ్చని చీకటి
శరీరాంతంలో చప్పటి చేదు నిశ్శబ్దం
చంపబడుతున్న ద్వేష శాంతి
చతికిలపడిన ఉమ్మనీటి బుడగ
ఇంకుతుండే మరణ స్వప్నం
కన్నీటి పోగుల అంచుల నుంచే ఆహ్వానం
వస్తావా!
Tuesday, February 02, 2010
ఓ ఆఖరి చేపనైనా...
చేపల ఇంటికి
సరిహద్దుల్ని పెట్టాను.
అలుపు లేకుండా
తలుపులులేని మలుపులుతో
సంసారించుకుంటుంటే,
వాటి ఇంటికి చిల్లు పెట్టాను.
నీటి పూతరేకులు కదా
నా ప్రాణాన్ని లుంగలు లుంగలుగా చుట్టిపడేశాయి.
ఈ చేప కళ్ళలోని అక్షరాలు
నా చివరి ఊపిర్ని తూర్పారపెడుతున్నాయి.
ఏ ఒక్క సరిహద్దూ లేనిచోట
ఓ ఆఖరి చేపనైనా వొదిలి పెట్టవూ!
సరిహద్దుల్ని పెట్టాను.
అలుపు లేకుండా
తలుపులులేని మలుపులుతో
సంసారించుకుంటుంటే,
వాటి ఇంటికి చిల్లు పెట్టాను.
నీటి పూతరేకులు కదా
నా ప్రాణాన్ని లుంగలు లుంగలుగా చుట్టిపడేశాయి.
ఈ చేప కళ్ళలోని అక్షరాలు
నా చివరి ఊపిర్ని తూర్పారపెడుతున్నాయి.
ఏ ఒక్క సరిహద్దూ లేనిచోట
ఓ ఆఖరి చేపనైనా వొదిలి పెట్టవూ!
Saturday, January 30, 2010
నీ కోసం
ఏ హృదయాన్నైనా చీల్చి సంభాషిస్తావు
నువ్వే రూపుదిద్దిన విష లాలనతో.
ఏ భ్రమకైనా విశాల స్తన్యానిస్తావు
నువ్వే విమోహించే అపరిశుబ్ర ద్వేషంతో.
ఏ క్రూర నిషా శబ్దానైనా నుసి చేస్తావు
నువ్వే కౌగిలించుకున్న ఆలోచనలతో.
ఏ కాలాన్నైనా తృణీకరిస్తావు
నువ్వే ఆహ్వానించే మరణ కక్షలో.
ఏ రోదనైన మరుగుజ్జౌతుంది
నువ్వే పురుడుపోసిన దుఃఖంతో.
అపుడు,
ఏ నీ మౌనమూ లేదు నాకు.
అప్పుడే,
ఏ నీ స్పర్శా లేదు నాకు.
నువ్వే రూపుదిద్దిన విష లాలనతో.
ఏ భ్రమకైనా విశాల స్తన్యానిస్తావు
నువ్వే విమోహించే అపరిశుబ్ర ద్వేషంతో.
ఏ క్రూర నిషా శబ్దానైనా నుసి చేస్తావు
నువ్వే కౌగిలించుకున్న ఆలోచనలతో.
ఏ కాలాన్నైనా తృణీకరిస్తావు
నువ్వే ఆహ్వానించే మరణ కక్షలో.
ఏ రోదనైన మరుగుజ్జౌతుంది
నువ్వే పురుడుపోసిన దుఃఖంతో.
అపుడు,
ఏ నీ మౌనమూ లేదు నాకు.
అప్పుడే,
ఏ నీ స్పర్శా లేదు నాకు.
Tuesday, January 05, 2010
అటు రావాలి
తిరగేసిన నీడల
పాదాల్ని రమ్మని ...
...అంతలో
కల వొంట్లో కలయతిరుగుతుంటే
నక్షత్ర కీటకాలు
పాదాల్ని రమ్మని ...
...అంతలో
కల వొంట్లో కలయతిరుగుతుంటే
నక్షత్ర కీటకాలు
నలుదిక్కులూ నిల్చొని
పడవ పువ్వుల్ని ఎత్తుకుపోతుంటే
అద్దం లోపలి చీకటినీ
ఎదురుబొదురు ఎగిరే సమయాల్నీ
మాటలు లేని జ్ఞాపకాల్నీ
ముగింపులేని నా శబ్దాల్నీ
అలల్ని ఆపే సూర్యచంద్రుల్నీ
కొయ్య కళ్ళ కలల్నీ
ఇక రావద్దన్నాను
ఎప్పటికైనా
తిరిగిరాని కన్నీళ్ళతో
నేత్రముద్రలు లేని నిద్రలో ఉండాలి
పడవ పువ్వుల్ని ఎత్తుకుపోతుంటే
అద్దం లోపలి చీకటినీ
ఎదురుబొదురు ఎగిరే సమయాల్నీ
మాటలు లేని జ్ఞాపకాల్నీ
ముగింపులేని నా శబ్దాల్నీ
అలల్ని ఆపే సూర్యచంద్రుల్నీ
కొయ్య కళ్ళ కలల్నీ
ఇక రావద్దన్నాను
ఎప్పటికైనా
తిరిగిరాని కన్నీళ్ళతో
నేత్రముద్రలు లేని నిద్రలో ఉండాలి
Sunday, January 03, 2010
మగ దీపం*
ఒక చెట్టు, మధ్యాన్నం తార్రోడ్డుపై సముద్రపు గాలినో, నదిలో కలిసే సముద్రపు నీటి గాలినో వెంటబెట్టుకొని నవ్వుతో కూర్చుంది. ముడతలు లేని కొమ్మలపై వాలని నక్షత్రాలని, సూర్యుణ్ణి నిద్ర పొమ్మంది. ఇంతలో, ఎక్కడికీ చేరలేని గడియారపు సాలిగూడులోన్చి ప్రయాణిస్తుంటే, ఇల్లు ముక్కలైంది. మునుపటి మొక్కలూనూ. కీటకాలూనూ. ఎవరి కుబుసమో తోడుకుంటున్న ఇల్లుకాని ఇల్లిది. దారిలేని చీకటి బిందువులు అభయమివ్వవు. భయపెట్టే అవిభాగ కపట పదాలే ఆత్మీయులు. నిద్ర ఒద్దులే. లిప్ స్టిక్ లిపిలో దాగున్న ప్రేమలు తుడుసుకుంటున్నా, కొన్ని మరకలు అరమరికలు లేకుండా నవ్వుతాయి. కాగి ఎగిరే వయసే, వికృత హస్తాలతో ఆహ్వానిస్తోంది. అందుకునే కలల పాదాలపైన ఉరితాళ్ళు. అంతరించని పగటి ప్రగతి పులివేషాలు. స్మరనార్ధుల సమాధుల్లో ఉండకే, అంత్యక్రియలు లేవు వాటికి. చీలిన కంటిపాపల్లో బొడ్డులేని కన్నీళ్ళు. నర్తించు మూస మనుగడలో అని చెట్టు లోపలి రాత్రి ఒక మధ్యాన్నపు గాలిని ఎగరగొట్టింది.
* పొద్దు.నెట్లో ప్రచురించారు.
* పొద్దు.నెట్లో ప్రచురించారు.
Saturday, December 26, 2009
వాక్య హీనుడా ...
చీకటి బిందువులతో వాక్యాల్ని చెరిపేయగలవు
పదాల మధ్య బొంగురుగా మొరుగుతున్నా
అంతటా శునక నిశబ్దమే
దేవుడా!
నాకో తొంబై లక్షల నాలుకలివ్వు
అర నాలుకేనా ఇంకెప్పటకీ
పోనీ,
అరిగిపోని, ఆవిరవ్వని, అంటురోగమవ్వని
ప్రాంతీయ భక్తైనా
నా నాలుకపై రాయబ్బా
నీయబ్బ
ఈ నత్తి నెత్తుటి నాలుక నేలమీద
నీ నీడుండదు
ఇంకెప్పటికీ
పదాల మధ్య బొంగురుగా మొరుగుతున్నా
అంతటా శునక నిశబ్దమే
దేవుడా!
నాకో తొంబై లక్షల నాలుకలివ్వు
అర నాలుకేనా ఇంకెప్పటకీ
పోనీ,
అరిగిపోని, ఆవిరవ్వని, అంటురోగమవ్వని
ప్రాంతీయ భక్తైనా
నా నాలుకపై రాయబ్బా
నీయబ్బ
ఈ నత్తి నెత్తుటి నాలుక నేలమీద
నీ నీడుండదు
ఇంకెప్పటికీ
Thursday, December 24, 2009
వాగ్విశ్రాంతి
సమీప శబ్దాలతో
పదాల వాక్యాల్ని సంధించాలని అతడూ ఉవ్విళ్ళూరాడు
అందుబాటులో ఉన్నవన్నీ దరిచేరాయి
లేనివి నిరాకరించాయి
అక్షరచుంచువు చుట్టూ పరిభ్రమించే నిరాకార భ్రమలు
సంకేత శోధనలో మృగ్యమౌతున్నదుఃఖం
ముద్రారాక్షశాల్లో సర్పవలయాలు
అపరిష్కారమౌతున్న స్పష్టాస్పష్ట నిరుక్త ధ్వనులు
ఉచ్చరించే మౌనమేదో అతన్ని ఆక్రమించింది
ప్రాణప్రదమైన ఆలోచనలూ లేవు గాలివిసురు జ్ఞాపకాల్లో
ఏదీ కోరని అక్షరాకాశానికి నక్షత్ర ఖచితమొనర్చాడు
అంతర్ధానమయ్యే అనుభవాల్లో
నిబిడాన్ధకార శబ్దస్పర్శలు...
యాదృచ్చిక భవిష్యత్తులో వాక్యసామీప్యాలు లేవతనికి
అతడి మాటలకి అక్షరాలూ లేవు
అతడొక వాక్య విస్మృతి
అతడొక వాగ్విశ్రాంతి
పదాల వాక్యాల్ని సంధించాలని అతడూ ఉవ్విళ్ళూరాడు
అందుబాటులో ఉన్నవన్నీ దరిచేరాయి
లేనివి నిరాకరించాయి
అక్షరచుంచువు చుట్టూ పరిభ్రమించే నిరాకార భ్రమలు
సంకేత శోధనలో మృగ్యమౌతున్నదుఃఖం
ముద్రారాక్షశాల్లో సర్పవలయాలు
అపరిష్కారమౌతున్న స్పష్టాస్పష్ట నిరుక్త ధ్వనులు
ఉచ్చరించే మౌనమేదో అతన్ని ఆక్రమించింది
ప్రాణప్రదమైన ఆలోచనలూ లేవు గాలివిసురు జ్ఞాపకాల్లో
ఏదీ కోరని అక్షరాకాశానికి నక్షత్ర ఖచితమొనర్చాడు
అంతర్ధానమయ్యే అనుభవాల్లో
నిబిడాన్ధకార శబ్దస్పర్శలు...
యాదృచ్చిక భవిష్యత్తులో వాక్యసామీప్యాలు లేవతనికి
అతడి మాటలకి అక్షరాలూ లేవు
అతడొక వాక్య విస్మృతి
అతడొక వాగ్విశ్రాంతి
Monday, December 21, 2009
స్వప్న రేణువులు
చీకటి కొమ్మలపై
చంద్రుడి గాలిపటం
చిరక్కుండా
- -
పారిపోయొచ్చిన హరివిల్లుని
ఇంటికి తీసుకెళ్ళింది తూనీగ
- -
నిదుర పలకని
కలల్తో బరికాను
ఇక తుడిచేదెవరో
- -
పథికుల కోసం
నిద్ర చీకటిలో
దీపాల్ని వెలిగిస్తోంది కల
- -
ఏ దీనురాలి బిడ్డలో
మెరుపు పిల్లలు
దారి తప్పారు
- -
గాలి వాసన
చడీచప్పుడు లేకుండా
అద్దంలో
- -
దిండు కింద కల
నక్కిన పేనులా నిద్ర
- -
లేలేత రెక్కలతో
తిరుగుతోంది
నా కల కొండ
- -
నా పడక నేలమీదే
కలలకే దుమ్మంతా
- -
నిద్ర చెరువులో
నీటి కుక్కను
తోకాడిస్తూ కలలు
- -
స్వప్న రహదారిలో
అడ్డంగా సూర్యుడు
- -
మట్టి పడవలు ఎక్కుతున్న
కల ఒకటి
నిద్ర తీరాన్ని చేరేదేప్పుడో!
చంద్రుడి గాలిపటం
చిరక్కుండా
- -
పారిపోయొచ్చిన హరివిల్లుని
ఇంటికి తీసుకెళ్ళింది తూనీగ
- -
నిదుర పలకని
కలల్తో బరికాను
ఇక తుడిచేదెవరో
- -
పథికుల కోసం
నిద్ర చీకటిలో
దీపాల్ని వెలిగిస్తోంది కల
- -
ఏ దీనురాలి బిడ్డలో
మెరుపు పిల్లలు
దారి తప్పారు
- -
గాలి వాసన
చడీచప్పుడు లేకుండా
అద్దంలో
- -
దిండు కింద కల
నక్కిన పేనులా నిద్ర
- -
లేలేత రెక్కలతో
తిరుగుతోంది
నా కల కొండ
- -
నా పడక నేలమీదే
కలలకే దుమ్మంతా
- -
నిద్ర చెరువులో
నీటి కుక్కను
తోకాడిస్తూ కలలు
- -
స్వప్న రహదారిలో
అడ్డంగా సూర్యుడు
- -
మట్టి పడవలు ఎక్కుతున్న
కల ఒకటి
నిద్ర తీరాన్ని చేరేదేప్పుడో!
Friday, December 04, 2009
స్వభావం
గదిలోపల దీపం ఊపిరి
తగ్గుతోందన్న వణుకు
కళ్లు తెరిచి అన్నింటినీ
చివరిగా పరికిస్తోంది
హత్తుకోగల్గిన
రూపమేదీ లేదు
పవిత్ర ఆనందం
క్షీణిస్తోంది
స్వాధీన
స్పర్సలు లేవు
నాట్యముద్రల చాయలన్నీ
ఆహార్యాల ముడులిప్పుకుంటున్నాయి
తనలో తానూ
తలవంచుకుంటోంది దీపం
నిశ్శబ్దాన్ని ద్వేషిస్తూ
తగ్గుతోందన్న వణుకు
కళ్లు తెరిచి అన్నింటినీ
చివరిగా పరికిస్తోంది
హత్తుకోగల్గిన
రూపమేదీ లేదు
పవిత్ర ఆనందం
క్షీణిస్తోంది
స్వాధీన
స్పర్సలు లేవు
నాట్యముద్రల చాయలన్నీ
ఆహార్యాల ముడులిప్పుకుంటున్నాయి
తనలో తానూ
తలవంచుకుంటోంది దీపం
నిశ్శబ్దాన్ని ద్వేషిస్తూ
Subscribe to:
Posts (Atom)