ఉడుము

కన్ను జారింది
వాక్య సంయోగం జారింది
దేహముక్తి జారింది
స్వప్నమృత్యువు జారింది
జ్ఞాపకం జారింది
జరుగుబాటు జారింది
జడిసింది జారింది
జరగబోయేదీ జారింది
జ్ఞానమూ జారింది
మంత్రమూ జారింది
మూత్రమూ జారింది
జరిగేవన్నీ జారాయి
చేజారేవన్నీ జారాయి
చేజేతులా జారాల్సినవి ఇంకెన్నో
గీయని బొమ్మా జారింది
పెదవులు జారాయి
చరిత్ర జారింది
అద్దం జారింది
జననం జారింది
జననాంగాలు జారాయి
జారు...
జారు...
అక్షరాల్లోకి జారు.

నీ నువ్వు

గట్టి కౌగలింతకై గాలి నీలోకి
నీ నువ్వు లోపలిలోకి


నువ్వెక్కడో లోతు లోటులేని
రక్తం దాగిన మెత్తటి చీకటి ముళ్లపై


ఆత్మజ్ఞాపకంలో దేహం ఉంటుందా
ఆత్మజననం దేహానికీ తెలుస్తుందా


అద్దాల్లో సంతానాలు
అద్దాలతో సంతాపాలు


శాశ్వత మరణఛాయ
అశ్రువులే మనసు విరామచిహ్నాలు


విషాద కృతజ్ఞతతో ప్రతి ముఖం