తిరిగి చూడని అద్దం

దారం లోపలి నీడ 

కన్నెప్పటికి తెరుస్తుంది 

పదాల ఇంద్రియాలతో 

వాక్యాల్ని తెరిచే జ్ఞాపకాలు 

పిరికివాళ్ళతో 

సూర్యాస్తమయాల్ని వృధా చేయాలి 

రాత్రుల్ని మోసగించాను 

చూడని రాత్రికోసం 

అశాస్వత స్పర్శలు 

నిశ్శబ్దాలు, స్త్రీలు తెలిస్తే 

తిరిగి చూడని అద్దం 

చూడాలనుకున్న అద్దం ఏది 

అక్షరాల్లోని పెదాల్ని ముట్టుకునేలోపే 

వృద్ధాప్య సౌందర్య సువాసనలు 

లేమి

అద్దాలు 

అక్షరాలు 

అనుభవించే శరీరం లేదు

నీడని 

నీటిని 

తాకే నేత్రం లేదు

శబ్దాలు 

మౌనాలు 

దాటే మనసు లేదు

శోకాలు
నవ్వులు 

దాచే వాక్యం రాయలేను

ఎన్నటికి ప్రేమిస్తాను 

విరిగిన కలల్ని 

తెలియని పదాల్తో

వొదిలెళ్ళే జ్ఞాపకాల్ని 

ఎప్పటికీ మన్నించను

తీరిగ్గా నిద్రపోవాలిక