నీ నుంచి...

వెలుతురు, 

అనేక నీడల్ని వెంటపెట్టుకుని ప్రయాణించే దుఃఖం, ఆనందం.

చీకటి, 

ఏకైక పాదముద్రల్ని విడదీసే, కలిపే, కల్సుకోలేని ఒంటరి అడుగులు.

నిశ్శబ్దం, 

ఒక అవయవం, ఒక పూర్తి శరీరం, ఒక కన్నీటి తడి గుండెలోపల.

ప్రేమ, 

గొంతులేని ఓ అందమైన కేక, ఓ తోడేడ్పు, ఓ ఒంటరొంటరితనం.

నవ్వు,

గొప్ప నిదర్శనం నీ ప్రేమకి ఈ బతికే కాలంలో.

దుఃఖం,

నువ్విచ్చే నిద్రలేని, శాంతిలేని, కలలేని, అలజడైన ఆత్మ.

మరణం,

మళ్ళీ మేల్కోలేని వెయ్యేల నిద్ర.

15-11-98