కారణాల కరుణతో కూడదీసుకున్న
కొద్దిపాటి కలల్నీ కూలగొట్టకు
కరుగుతున్న పదాల ముఖాల్లో
చివరి మనసు తేలుతోంది
జనించే నిశ్శబ్ద నక్షత్ర నేత్రాల్లో
నిరూహల నిరాశ్రయ నిస్తేజం
మౌన దుఃఖమెంతకూ తాకదు
ప్రవహించే కంటి లోయల్లో
మనమెంత దూరమైనా
ప్రేమ ఊపిరి గుండెల్లో
బహు సామీప్య అశ్రువులే
దీవెనలై సుధలై మృగాలై
చూస్తున్నవన్నీ చేర్చే
వాక్యవాయువుని చిత్రించాలి
No comments:
Post a Comment