సమాధిలో దాగిన తారీఖు ఒకటి
తారీఖు దాచిన కాలమొకటి
కాలాన్ని దోచిన ప్రాణమొకటి
దొర్లుతున్నాయి పరాగత స్వప్నాల్లో
ఉత్త మాటలు మూగిన
శూన్యవర్ణం అది
దృశ్యాలు చెరిపిన
ఈబరి అది
ఆనందనేత్రం పరిభ్రమిస్తున్నా
ప్రకృతి పొందలేని రూపమది
సర్వత్రా శాంతి భూతం ఆవహిస్తోంది
ఇక భూమండలంపై
దుఃఖక్షేత్రాలు అంతరిస్తున్నాయి
రోదసి సమాధిలో
ఎగిరే తారీఖే
కడు అనాధ శవం
No comments:
Post a Comment