ఇంకెంతసేపో

అంతరంగంలో నన్నెప్పుడూ ఉండనివ్వను

పట్టేంత ఖాళీ ఉంటే
నన్ను నన్నుగా ఇరికించే వాణ్ణి

పరాయినై...

నేరేడు గుత్తుల్లాంటి కొత్త ఊహలకి
సీతాఫలాల్లాంటి గతించిన బాధలకి
చలించని వృద్ధ వృక్షానయ్యాను

చరించని పుష్పాలేవో వాహనాలై
తరించని త్రికాల బిందువుకై తిరుగుతున్నాయి

రేపటి రోజులో
నలుదిక్కులూ పర్యటించిన ముఖంలో
ఏ చిరుగుల రాత్రీ లేదు

నిన్న శేషించిన
'పగలు' ఇంకెంతసేపో

మానసిక వ్యాకరణంతో
వాక్యంతాన్నైనా బంధించాలి