:: వెక్కిరింత ::

అప్పటికే పెదాలపై కొన్ని వేల సంవత్సరాల రంగురంగుల పూలబుడగలు వాడి వాడున్నా
అప్పటికే వాసనేసే కొన్ని క్షణాల పదాల వాసనలు వాడి మాడి పడున్నా
అప్పటికే మరణించే కొన్ని కోట్ల ఊపిరి తీగలు నాని వాడి పాకకున్నా

అపుడెప్పుడో చేపనోట్లోని గాలిని తిని
అపుడెప్పుడో నీటి కంటిలోని వజ్రాల్ని దిగమింగి
అపుడెపుడో పిట్టకలలపై తిరిగే మబ్బుల్ని చెదరగొట్టి

అందుకేనా చేతుల్లోని సూర్యద్వారాల్ని మూసేస్తూ
అందుకేనా ముఖంలోని ఆకాశాల్ని చెరిపేస్తూ
అందుకేనా నేత్రాల్లోని సముద్రాల్ని కాల్చేస్తూ

తెరవకు తప్పిపోయే వాక్యాల్ని యీ పదాల్లో