స్వప్ననేత్రం

అనుకూలమైన పదాలే
లేవు రెక్కలిప్పే సముద్ర పక్షి నేత్రంలో

చూస్తుందంతా రంగులు కలిసిన నీడలు
నీడలు కలిసిన రంగులే

తలవొంచే దుఃఖంలో ప్రేమెక్కడిది
దుఃఖంలో మనసు శిరస్సొంచే ప్రేమెక్కడిది

ఉబుకొచ్చే మౌనస్పర్శలు
నీత్రాశ్రువులు నేత్రాన్ని ఎపుడైనా ప్రశ్నించాయా

చెరిపేసిన మాటలన్నీ మాటల్తో
ఎక్కడికైనా చేరాయా

గళమొక నేత్రముఖ శూన్యమై
ఆవిష్కరించే నిశ్శబ్దాన్ని ఎవరు తిరిగి చెప్పగలరు

వొడిలిపోయే వొదులు పదాల్లో
అసంపూర్తి వాక్యాలెన్నో

సూర్యస్నేహ భూమిలో
స్వప్ననేత్రం ఎవరు చూడాలిలే

బూజు కలల్లో చిక్కుకొన్నాను