గది చనిపోయింది

చేరకపోవచ్చు
అద్దం వరకు కన్నీళ్ల నిద్ర.

మిగులుతున్న స్నేహితుల సంఖ్య
మిగలని రక్తసంబంధీకుల స్నేహం అర సున్న.

అవహేళనే
రహస్యం.

కూర్చున్న ప్రతి పదమూ అవహేళనే.

నిద్రరాదు
సూర్య జ్ఞాపకముంటే.

విరగలేని అక్షరాలు కళ్ళలోనే.
లోపల్లోపల లోపల లోపాల పాల అక్షరాలు.

భాషలో కాలం ఒక మరుగుజ్జు
మరుగుజ్జు కాలం ఒక భాష.

భక్తిపుష్పాలు
రతిభక్తిపుష్పాలు
భక్షించాలి భజించాలి

ఇక నాకలేను నా చర్మాన్నే
చర్మమే నన్ను నాకుతోంది

నల్లటి ఇల్లు
చెవులు లేని కళ్ళు

ఓడిపోవాలి
ఒంటరి నీడలకై
ఒంటరి మాటలకై
ఒంటరి మరణంకై

ఎవరోలే
ఈ కలలో తిరిగే పిట్టలు పిల్లలు స్త్రీలు మృగాలు

గది
చనిపోయింది

రాత్రీ
చనిపోయింది

పగలు
బతికే అవకాశాలు తక్కువే