మౌనంలోకి అరవాలి

ఒకోసారి
ఏ బాధనో దుఃఖంలోకి తీసుకెళ్లటం మంచిదేమో
తోసుకునే నల్లటి చేదు వలయాలు గుండెనిండా నిండినపుడు

ఒకోసారి
ఏ చీకటిచితిలోని తెల్లటిగాలిలోనో మిగిలిపోవాలి
బిగదీసుకునే చల్లటి కెరటాలు కంటిలోకి వెళ్లనపుడు

ఒకోసారి
ఏ రంగులూలేని మోసపు ఆత్మీయతకు బలవ్వాలి
ద్రోహపుకాంతి జ్ఞానాన్నీ వెంబడించే అజ్ఞాతహృదయంలోంచి

ఒకోసారి
పిట్టల కన్నీరులోకి
పిల్లల కన్నీరులోకి మరొక కళ్ళతో చూడాల్సిందే

ఒకోసారి
బిగ్గరగా మౌనంలోకి అరవాలి
మాటలన్నీ ఏ ఒక్క దృశ్యమూ కాకుండా

ఒకోసారి
కలలు స్త్రీలు స్నేహితులు రాచపుండ్లు