నాలుకల వాసన

ఆకుల్లోకి ఆకులు

గదుల్లోకి గదులు

ఆకుల గదుల్లోకి రోడ్లు

రోదించే రోదసి రేయింబవళ్ళు

ఎక్కడికని వేర్లులేని గాలి బయల్దేరింది

ఏదేదో విందామని సముద్రపుటొడ్డున

కూర్చున్న అడవంతా నీరైంది

ఎవరూ మాట్లాడుకోరు

ఆకాశగర్భంలో నాలుకల వాసన

మిగిలిన సూర్యాస్తమయాల

పదాల్లో ఓ చీకటి ఆకు

అటెటో వింటున్న కళ్ళు

ఏదీ కనబడనివ్వని అక్షరం

పగిలిన రాళ్ళు, ఆకులు

పగిలిన నవ్వులు, కన్నీళ్లు

రాత్రెక్కడో...

ఒంటిపైనో, మనసుపైనో

ఆకుమీదో

దొరికితే పంపండే