చెరిపేయాలి చెలియకీ తెలియని సూర్యుడిని. చేరవేయాలి మాటలనే మాటల్లోకి. ఆమెతో మాటల ఆట ఆడకూడదు. మాట్లాడకూడదు. సిద్ధాంతాల్ని విషపు పురుగులు తింటాయి. చల్లటి పిట్టలు పురుగుల్నే తింటాయి. చీకటి మూతుల ముద్దుల్లో శవాలు నవ్వుతాయి. గుర్తుపట్టలేని చెట్లు, కలలు, బావుల్లోకి దూకుతాయి. అలవాటో, అనుభవమో తెగుతున్న ప్రార్ధనలో ప్రభావాలే పురుడోసుకుంటున్నా, ముదిరిన ప్రవచనాలలో శూన్య రంధ్రం. నీటి గాలి తేలదు కళ్లపై. తెలియని మనసు అడుగుల్లో అడుగులేసుకుని ఎక్కడికని, ఎందుకని. అంధకౌగిలేదో సంభాషిస్తూ శరీరాన్ని దాటుతూ. నేలపెదవిపై ఎవరో మూర్ఛద్వేషాన్ని నాటారు. అంతమవ్వదు ఇపుడే వస్తున్న జ్ఞాపకం. చీకటి వాసన. మరణాన్ని చీల్చే మాటల్లోకి మాటల్నే మార్చాలి. ఏమార్చాలి. ఇసుకలో సూర్యుడ్ని దాచాను. ఏ రాత్రీ మీది కాదిక.
Monday, November 21, 2011
Wednesday, November 09, 2011
~~~ఇంకా పూర్తికాలేదు~~~
కళ్లకి సాక్ష్యాలు దొరకవు. తెరిచిన తలుపుల్నే భుజాలపై మోసుకుని లోపలికి బయటకి. సరిపోదు ఈ రాత్రీ, కన్నీళ్ళని లెక్కించాలంటే . కలలు కలల్ని ఊసేస్తాయి. కంటిలో చిరిగిన ఆలోచలని కుడుతున్న మౌనానికీ చెప్పవు నీ అబద్ధం. నిశ్శబ్దం తర్వాత ఏ రహదారిలోనో వీడ్కోలు. ఇల్లు ఎందరికి ఉంటుంది సముద్రమై. ఎడారి చీకటే అందులో. గద్ద గూటిలోని గోడు ఎవరికి చెప్పాలిలే. మిణుగురుల సంతకాల్ని అనుకరించాలి. తేడా తేడా. నీడ నీడకీ. కన్నీటికీ, కన్నీటికీ. యంత్రాలే అత్యాచారం చేస్తున్నాయి. ఆగిపోయే సముద్రనదుల్నీ, మనిషి ఎముకల్నీ, తిరిగి తిరిగి దర్శించుకోవాలి. నవ్వే పేదలు, నవ్వే పెదాలు ఎవరు చూసారులే. అసహ్యహించుకునే మాటలేవో ప్రతి వొంటిలో. ఆ అసహ్యరహస్యం అందరిలో దాగుందా. రెండు సమాధులు ఈ వొళ్ళంతా. ఆనందం ఆనందంతో ఎపుడైనా ఉందా. కళ్ళని, కన్నీళ్ళని తెరిచే మనసుని చూసింది ఎవరు. దొరకని దొంగతనమే దైవత్వం. నిన్నటి వర్షం ఇంకా ఏ కనులలోనో. కొందరికే సత్యమే అసంతృప్తి. నా అంత్యక్రియలు ఇంకా పూర్తికాలేదు. నమ్మించే గాలి, నీరై, ఏ పూవుల అంచుల్లోనో. ఖాళీ పుష్పాలు. ఖాళీ సమాధులు. ఖాళీ నేత్రాలు.
Monday, November 07, 2011
నన్ను తీసుకెళ్ళు
పక్షి రెక్కలు
భూమిపై
భూమి
పక్షిపై
ఆకాశం
ఓ సమాధి
ఏ గొంతులోనో
పిట్టగూడు
చనిపోతాను
కొన్ని మాటల రెక్కలపై
గాలీ
నీ నిద్రలోకి నన్ను తీసుకెళ్ళు
భూమిపై
భూమి
పక్షిపై
ఆకాశం
ఓ సమాధి
ఏ గొంతులోనో
పిట్టగూడు
చనిపోతాను
కొన్ని మాటల రెక్కలపై
గాలీ
నీ నిద్రలోకి నన్ను తీసుకెళ్ళు
Thursday, November 03, 2011
ఎలుక నాలుక
ఒక వెర్రితనాన్ని
ఇక్కడ ఉంచాను
అది పెరిగిందో
లేదో రోజూ వచ్చి చూస్తాను
ఇక్కడ ఉంచాను
అది పెరిగిందో
లేదో రోజూ వచ్చి చూస్తాను
ఒకోసారి ఇక్కడేదీ కనిపించదు
ఒకోసారి ఇక్కడేదో ఉన్నట్టు
నీడలపై నీడల అనుకరణ
అనుసరించే పదాల నీడలు
ఒకోసారి ఇక్కడేదో ఉన్నట్టు
నీడలపై నీడల అనుకరణ
అనుసరించే పదాల నీడలు
వెర్రితనం ఎవరికి తెలియాలిలే
రహస్యమోక్షం అందులోఉంటేగా
ఏడుపులు కలలో
వెర్రితనందేమో
తనకీ నాకూ మధ్య
ఓ మేఘమే అడ్డు
తొంగిచూడలేను
సూర్యుడిలోకి
ఎలుక నాలుక
నా కంటిలో తిరుగుతోంది
ఏడుపులు కలలో
వెర్రితనందేమో
తనకీ నాకూ మధ్య
ఓ మేఘమే అడ్డు
తొంగిచూడలేను
సూర్యుడిలోకి
ఎలుక నాలుక
నా కంటిలో తిరుగుతోంది
Monday, October 31, 2011
ఒక మనిషి... మరో పిట్టా... ఇంకో చెట్టూ
1
ఎవరో చెవులతో నివసిస్తున్నారు
ద్వారబంధాలు కూలిన అక్షరాల్లో
కూడలి గోడల
కుంగిన ఓడల మధ్య
విలాసాలను
కూడబలుక్కుంటున్నారింకెవ్వరో
విలాస పదాలే విశాలంగా లేవు
మనసే కదలదు
ఏ పదాల్లోనైనా
తిరిగి చూసే భవిష్యత్తే
గతమై అందరి ముందూ
2
ముందుకు రాని కాలం
తొడుక్కోలేని
నీ స్కూలు నిక్కరు చొక్కా
దరి చేరవు నిశ్శబ్దాలు
ఉదయాలే భయానక మౌనం
ఊపిరి ఊహలే
ఊగిసలాడే ఊలు ఊళలు
సరిపడదు ఏ సలుపూ
సరి తూగదు ఏ మలుపూ
3
చేజారే అద్దాల్లోపల
అద్దంకై వెతకాలి
చూపు మరో నేల కంటిపై
అపుడు తెరెస్తుంది
నిదురపోయే ఆకసానికీ
నిద్ర లేపే రెప్పలకీ
మధ్య ఒక చూపు
అద్దం డంబమనీ
అర్థం దాని బింబమనీ
కనుబొమన కడుతుంది
నేలా ఆనని చూపొకటి
మిణుగురుల మెరవణి నడుమ
కొనమొనతేలి నడక సాగని
ఏరుల తేరు
ఏమయ్యిందీ పాడు లోకానికి
తిరనాల జీవితాన్ని
పంచదెందుకు తలా ఇంత
4
పంచుకునే పతనమేదో
మహోన్నతం ప్రతి నిశ్శబ్దంలో
దరి ఎవరున్నారో
దవ్వున ఎవరు చేరారో
చూడలేని పతన మైత్రది
పవళింపు రాగమే మరో శోకం
ఎవరు నిద్రించారులే ఏ కలలోనైనా
ఎక్కడికి చేరామో
ఎవరికోసమో చేరేది
ఎక్కడెక్కడికో
ఎవరు చెబుతారో
వారి నాలుకపై ఉమ్మివేయండి
వారి ఉమ్మితో కన్నీళ్ళని కడగండి
మరో పిట్ట నాలుక కింద
(కొంచెం నీడ చూపించండి
కొంత నిద్ర పోయే సూర్యుడి కోసమే
జీవించే ఆశని దరి చేర్చండి)
5
తెలవారే
ఓ చెట్టుతో
చెప్పాపెట్టకుండా వెళిపోయింది ఆ పిట్ట
అపరిచితలే చెట్టూ పిట్టా
నడి ఎండలో
బడాయిపోతూ
చెట్టును బులిపించింది పిట్ట
"అతిథీ నీ పేరేంటి?"
పిట్టను అడిగింది చెట్టు
ఎగురుతూ విడిపోతూ
రెట్టిస్తూ వెళిపోతూ
చెట్టుపై రెట్ట వేసి చెప్పింది పిట్ట తన పేరు
"పాట"
సాయం సంజెలో
వాలింది మళ్ళీ పిట్ట
రెమ్మల నీడల చీకటిలో
రెక్కలు ముడుచుకుంది చలిలో
దాచుకుంది బిక్కచచ్చి
హోరుగాలిలో
కొమ్మలు అల్లాడుతుంటే
రెమ్మలు చెల్లాచెదురవుతుంటే
బెంగగా పిలిచింది పిట్టని చెట్టు
"పాటా"
పిట్ట పలకలేదు
చెట్టు నిదుర పోలేదు ఇంకా.
6
మరలిన మౌనపు మాటలకేం తెలుసులే
మాసిన మోసపు మూస మూతల మోహాలు
ఖండిత జ్ఞాపకాలే
రేపటి జ్ఞాపికలు
ఎటో చేరిన చెట్టులో
ఏ కొమ్మ ఏ పిట్టదో
ఎవరకి మాత్రం తెలుసు
పదాల పెదాల్లోని కీటకాలుల
ఏ పిట్ట నోటికో
ఎప్పటికీ చెప్పొద్దు
కలలోని కీటకాల్నీ తినే పిట్టని చూడాలి
పిట్టల్ని తినే స్వప్నాన్ని చూడాలి
స్వప్నాల్ని ఆరగించే మనుషులే
ఇప్పుడు లేరు
ఇక పుట్టరు
7
మనిషి వెతుకుతున్నాడు
ఎడారిలో పిట్టను
పిట్ట నిరీక్షిస్తోంది
నింగిలో మనిషి పాదముద్రల కోసం
చెట్టు కనుల కాయలుకాసింది
వాలే పిట్ట ఆనవాలుకు
*
- అనంతు
ఎం ఎంస్ నాయుడు
ఎవరో చెవులతో నివసిస్తున్నారు
ద్వారబంధాలు కూలిన అక్షరాల్లో
కూడలి గోడల
కుంగిన ఓడల మధ్య
విలాసాలను
కూడబలుక్కుంటున్నారింకెవ్వరో
విలాస పదాలే విశాలంగా లేవు
మనసే కదలదు
ఏ పదాల్లోనైనా
తిరిగి చూసే భవిష్యత్తే
గతమై అందరి ముందూ
2
ముందుకు రాని కాలం
తొడుక్కోలేని
నీ స్కూలు నిక్కరు చొక్కా
దరి చేరవు నిశ్శబ్దాలు
ఉదయాలే భయానక మౌనం
ఊపిరి ఊహలే
ఊగిసలాడే ఊలు ఊళలు
సరిపడదు ఏ సలుపూ
సరి తూగదు ఏ మలుపూ
3
చేజారే అద్దాల్లోపల
అద్దంకై వెతకాలి
చూపు మరో నేల కంటిపై
అపుడు తెరెస్తుంది
నిదురపోయే ఆకసానికీ
నిద్ర లేపే రెప్పలకీ
మధ్య ఒక చూపు
అద్దం డంబమనీ
అర్థం దాని బింబమనీ
కనుబొమన కడుతుంది
నేలా ఆనని చూపొకటి
మిణుగురుల మెరవణి నడుమ
కొనమొనతేలి నడక సాగని
ఏరుల తేరు
ఏమయ్యిందీ పాడు లోకానికి
తిరనాల జీవితాన్ని
పంచదెందుకు తలా ఇంత
4
పంచుకునే పతనమేదో
మహోన్నతం ప్రతి నిశ్శబ్దంలో
దరి ఎవరున్నారో
దవ్వున ఎవరు చేరారో
చూడలేని పతన మైత్రది
పవళింపు రాగమే మరో శోకం
ఎవరు నిద్రించారులే ఏ కలలోనైనా
ఎక్కడికి చేరామో
ఎవరికోసమో చేరేది
ఎక్కడెక్కడికో
ఎవరు చెబుతారో
వారి నాలుకపై ఉమ్మివేయండి
వారి ఉమ్మితో కన్నీళ్ళని కడగండి
మరో పిట్ట నాలుక కింద
(కొంచెం నీడ చూపించండి
కొంత నిద్ర పోయే సూర్యుడి కోసమే
జీవించే ఆశని దరి చేర్చండి)
5
తెలవారే
ఓ చెట్టుతో
చెప్పాపెట్టకుండా వెళిపోయింది ఆ పిట్ట
అపరిచితలే చెట్టూ పిట్టా
నడి ఎండలో
బడాయిపోతూ
చెట్టును బులిపించింది పిట్ట
"అతిథీ నీ పేరేంటి?"
పిట్టను అడిగింది చెట్టు
ఎగురుతూ విడిపోతూ
రెట్టిస్తూ వెళిపోతూ
చెట్టుపై రెట్ట వేసి చెప్పింది పిట్ట తన పేరు
"పాట"
సాయం సంజెలో
వాలింది మళ్ళీ పిట్ట
రెమ్మల నీడల చీకటిలో
రెక్కలు ముడుచుకుంది చలిలో
దాచుకుంది బిక్కచచ్చి
హోరుగాలిలో
కొమ్మలు అల్లాడుతుంటే
రెమ్మలు చెల్లాచెదురవుతుంటే
బెంగగా పిలిచింది పిట్టని చెట్టు
"పాటా"
పిట్ట పలకలేదు
చెట్టు నిదుర పోలేదు ఇంకా.
6
మరలిన మౌనపు మాటలకేం తెలుసులే
మాసిన మోసపు మూస మూతల మోహాలు
ఖండిత జ్ఞాపకాలే
రేపటి జ్ఞాపికలు
ఎటో చేరిన చెట్టులో
ఏ కొమ్మ ఏ పిట్టదో
ఎవరకి మాత్రం తెలుసు
పదాల పెదాల్లోని కీటకాలుల
ఏ పిట్ట నోటికో
ఎప్పటికీ చెప్పొద్దు
కలలోని కీటకాల్నీ తినే పిట్టని చూడాలి
పిట్టల్ని తినే స్వప్నాన్ని చూడాలి
స్వప్నాల్ని ఆరగించే మనుషులే
ఇప్పుడు లేరు
ఇక పుట్టరు
7
మనిషి వెతుకుతున్నాడు
ఎడారిలో పిట్టను
పిట్ట నిరీక్షిస్తోంది
నింగిలో మనిషి పాదముద్రల కోసం
చెట్టు కనుల కాయలుకాసింది
వాలే పిట్ట ఆనవాలుకు
*
- అనంతు
ఎం ఎంస్ నాయుడు
Friday, October 28, 2011
జాలరి
ఏదీ నమ్మవు
దేన్నీ నమ్మాలనుకోవు
నమ్మకమూ అమ్మకమేనంటావా
వ్యాకరణం వాయువై కదలదు
వార్ధక్యం ఆయువై నిలవదు
స్నేహం ప్రేమై తిరిగి రాదు
ఎక్కడో నమ్మకం పువ్వులై పగిలిపోతుంది
ఎక్కడో పగిలిన పువ్వుల్లో నమ్మకం గుచ్చుకుంటుంది
అదేదీ కాదులే
నమ్మకం నీ పదాలపై తిరుగాడే అసహ్యం
చూసే ప్రతీదీ
కొంత నీలో మరికొంత బయట తగలబడుతూ మసైపోతూ
తలూపుతూ అద్దాలు నీలోకి
తలాడిస్తూ నీవు అద్దాలలోకి
నమ్మకమే దాగి ఉండదు ఎక్కడా
దాచుకో దాచుకో దాపరికం లేకుండా
దేన్నీ నమ్మాలనుకోవు
నమ్మకమూ అమ్మకమేనంటావా
వ్యాకరణం వాయువై కదలదు
వార్ధక్యం ఆయువై నిలవదు
స్నేహం ప్రేమై తిరిగి రాదు
ఎక్కడో నమ్మకం పువ్వులై పగిలిపోతుంది
ఎక్కడో పగిలిన పువ్వుల్లో నమ్మకం గుచ్చుకుంటుంది
అదేదీ కాదులే
నమ్మకం నీ పదాలపై తిరుగాడే అసహ్యం
చూసే ప్రతీదీ
కొంత నీలో మరికొంత బయట తగలబడుతూ మసైపోతూ
తలూపుతూ అద్దాలు నీలోకి
తలాడిస్తూ నీవు అద్దాలలోకి
నమ్మకమే దాగి ఉండదు ఎక్కడా
దాచుకో దాచుకో దాపరికం లేకుండా
Thursday, October 27, 2011
కలల్ని కడగాలి
అతను అతనితో మాట్లాడుతూనే మాట్లాడలేదు
యేవో కొన్ని అంటే కొన్నే స్వల్పమైన అల్పమైన మాటలు
అతను అతనితో వింటూనే వినటం లేదు
యేవో కొన్ని సులువైన సలుపుపెట్టే మాటలనే మాటల్ని చేసి వింటంలేదు
నల్లటి జెండాలు ఎర్రటి జెండాలు తెల్లటి జెండాలు
కింద
చెట్టు
చెట్టుకింద
పావురాలు వాటి రంగుల్లో
అతను పావురాల కళ్ళల్లోని మాటల్ని చూస్తున్నాడు
అతని అతను పావురాల మాటల్లోని కళ్ళని వింటున్నాడు
అతని సోదరి ముద్దుపెట్టుకున్న జ్ఞాపకం
జ్ఞాపకం ముద్దుపెట్టుకున్న అతను సోదరి
తండ్రి
తల్లి లేని నేరాల చీకటి
తల్లి
తండ్రి లేని చీకటి
ఏవేవో ఎవరెవరో ఉంటూ ఉండని చీకటి
ఇక్కడేదీ ఉండదు
చివరి చివరి చివరి వీడ్కోలూనూ
అతను అతను
అతని అతను
తను అవ్వలేని అతను
అతనే అవ్వలేని తను
మాటలు మొహాలు
ఒకేలా అనామకం
ఈతలో ఈతకి వెళ్లి ఈదుతూ కల
కలలో ఈదుతూ ఈతకి వెళ్ళాలి
మునగా లేదు తేలా లేదు
ఈత రాలేదు
అసలు ఈతే లేదేమో
కడగాలి
మాట్లాడే చెవుల్ని
కలల మాటల్ని
యేవో కొన్ని అంటే కొన్నే స్వల్పమైన అల్పమైన మాటలు
అతను అతనితో వింటూనే వినటం లేదు
యేవో కొన్ని సులువైన సలుపుపెట్టే మాటలనే మాటల్ని చేసి వింటంలేదు
నల్లటి జెండాలు ఎర్రటి జెండాలు తెల్లటి జెండాలు
కింద
చెట్టు
చెట్టుకింద
పావురాలు వాటి రంగుల్లో
అతను పావురాల కళ్ళల్లోని మాటల్ని చూస్తున్నాడు
అతని అతను పావురాల మాటల్లోని కళ్ళని వింటున్నాడు
అతని సోదరి ముద్దుపెట్టుకున్న జ్ఞాపకం
జ్ఞాపకం ముద్దుపెట్టుకున్న అతను సోదరి
తండ్రి
తల్లి లేని నేరాల చీకటి
తల్లి
తండ్రి లేని చీకటి
ఏవేవో ఎవరెవరో ఉంటూ ఉండని చీకటి
ఇక్కడేదీ ఉండదు
చివరి చివరి చివరి వీడ్కోలూనూ
అతను అతను
అతని అతను
తను అవ్వలేని అతను
అతనే అవ్వలేని తను
మాటలు మొహాలు
ఒకేలా అనామకం
ఈతలో ఈతకి వెళ్లి ఈదుతూ కల
కలలో ఈదుతూ ఈతకి వెళ్ళాలి
మునగా లేదు తేలా లేదు
ఈత రాలేదు
అసలు ఈతే లేదేమో
కడగాలి
మాట్లాడే చెవుల్ని
కలల మాటల్ని
Wednesday, October 19, 2011
లోహానందం
లోహజిహ్వలు
లోహవిషాదాలు
ఎన్నో రంగుల్లో
ఎన్నో నీడలపై
కలిసే
కలలు
ఎన్నో నీడలపై
కలిసే
కలలు
లోహస్నేహితులు
లోహప్రేమికులు
లోహప్రేమికులు
ఎన్నో నీడల్లో
ఎన్నో రంగులై
మరిచే
పిట్టలు
ఎన్నో రంగులై
మరిచే
పిట్టలు
మత్తు పదార్థాల్లారా
గిరగిరా మీరూ నేనున్నూ
గిరగిరా మీరూ నేనున్నూ
పిట్టలు మార్చిన
కలల్లోకే
రంగులయ్యే
నీడలు
కలల్లోకే
రంగులయ్యే
నీడలు
లోహనిశ్శబ్దం
లోహానందం
లోహానందం
బట్టల్లేని మాటలు
రెల్లుగడ్డి చాటున
ఏ రెక్కల్లేని పిట్టో
రాత్రి దారిని చూపిస్తుంది
రెల్లుగడ్డి చాటున
ఏ రెక్కల్లేని పిట్టో
రాత్రి దారిని చూపిస్తుంది
లోహనేత్రాల్లో
మునిగిపోయాను
మునిగిపోయాను
Saturday, October 15, 2011
ప్రతిబింబంలో అద్దం
ఊహించింది ఉండట్లేదు
ఉండేదేదో ఊహకీ తెలియదు
తెలియని ఊహలే ఉన్నట్లు
అనుకున్నాను నిన్నే చూస్తూ చూస్తూ
చెదరగొట్టకు బెదిరిపోకు
నా ముఖం నీ ముఖంలో
ఉండేదేదో ఊహకీ తెలియదు
తెలియని ఊహలే ఉన్నట్లు
అనుకున్నాను నిన్నే చూస్తూ చూస్తూ
చెదరగొట్టకు బెదిరిపోకు
నా ముఖం నీ ముఖంలో
Friday, October 14, 2011
చేరావా నీలోకైనా
తలెత్తినా తలదిన్చినా
కనిపించే ఖాళీ స్పర్శ ఛాయ
ఏ దరీలేని ఎదలో
స్నేహమే స్పర్శ వృత్తం
చినుకు చప్పుడు కునుకు చప్పుడు
ఏ కల నడకో
ఆకలితో అద్దం అద్దంలో ఆకలి
ఎవర్నో మింగాలని ఎవరో మిగలాలని
దేహమేలేని దేశంలో ఉంటే
పౌరహక్కులు ఏ మూలకు
నియమమే సమంజసమనే నియంతకీ
లేదు ఏ ఉదాహరణ
చేరాల్సిన విరామ చిహ్నమేదో తప్పిపోయినప్పుడే
గగుర్పాటు ఓదార్పు ఏకకాలంలో
చీకటి చప్పుడు నమ్మిన బాంధవ్యం
ఏ తుది వయసో
చేరావా
నీ నిద్రలోకైనా
కనిపించే ఖాళీ స్పర్శ ఛాయ
ఏ దరీలేని ఎదలో
స్నేహమే స్పర్శ వృత్తం
చినుకు చప్పుడు కునుకు చప్పుడు
ఏ కల నడకో
ఆకలితో అద్దం అద్దంలో ఆకలి
ఎవర్నో మింగాలని ఎవరో మిగలాలని
దేహమేలేని దేశంలో ఉంటే
పౌరహక్కులు ఏ మూలకు
నియమమే సమంజసమనే నియంతకీ
లేదు ఏ ఉదాహరణ
చేరాల్సిన విరామ చిహ్నమేదో తప్పిపోయినప్పుడే
గగుర్పాటు ఓదార్పు ఏకకాలంలో
చీకటి చప్పుడు నమ్మిన బాంధవ్యం
ఏ తుది వయసో
చేరావా
నీ నిద్రలోకైనా
Tuesday, October 11, 2011
మాయా సమయం
పదానికి పదమేది
ఇదని
ఇదేనని
అనుకున్న ఆనుకున్న పదమేది
తెరిచేది ఎక్కడుందో
తెలియని ముగింపుకై
నీరు తెరుచుకుంటుంది
మునిగేది ఎక్కడో
తీసుకోవాలి
తట్టలేని ప్రతి ఆలోచననీ
చేతుల్ని తెగ్గోసుకోవాలి
మనసులోనే
అనుభవమే
అనుభవిస్తోందా
మాయా సమయం
సమసిపోదే
వాసనతోనే రాత్రిని
మర్చిపోవాలి
Tuesday, October 04, 2011
అద్దం ~ కిటికీ
మనమిద్దరం
తొంగిచూసేవాళ్ళమే
దేనిని చూసామో
గుర్తుకుంచుకోము
దేనిని చూడాలో
ఎప్పటికీ తెలియదు
మనమిద్దరం
ఎదురుచూసేది దేనికోసం
Wednesday, September 28, 2011
మౌనంలోకి అరవాలి
ఒకోసారి
ఏ బాధనో దుఃఖంలోకి తీసుకెళ్లటం మంచిదేమో
తోసుకునే నల్లటి చేదు వలయాలు గుండెనిండా నిండినపుడు
ఒకోసారి
ఏ చీకటిచితిలోని తెల్లటిగాలిలోనో మిగిలిపోవాలి
బిగదీసుకునే చల్లటి కెరటాలు కంటిలోకి వెళ్లనపుడు
ఒకోసారి
ఏ రంగులూలేని మోసపు ఆత్మీయతకు బలవ్వాలి
ద్రోహపుకాంతి జ్ఞానాన్నీ వెంబడించే అజ్ఞాతహృదయంలోంచి
ఒకోసారి
పిట్టల కన్నీరులోకి
పిల్లల కన్నీరులోకి మరొక కళ్ళతో చూడాల్సిందే
ఒకోసారి
బిగ్గరగా మౌనంలోకి అరవాలి
మాటలన్నీ ఏ ఒక్క దృశ్యమూ కాకుండా
ఒకోసారి
కలలు స్త్రీలు స్నేహితులు రాచపుండ్లు
ఏ బాధనో దుఃఖంలోకి తీసుకెళ్లటం మంచిదేమో
తోసుకునే నల్లటి చేదు వలయాలు గుండెనిండా నిండినపుడు
ఒకోసారి
ఏ చీకటిచితిలోని తెల్లటిగాలిలోనో మిగిలిపోవాలి
బిగదీసుకునే చల్లటి కెరటాలు కంటిలోకి వెళ్లనపుడు
ఒకోసారి
ఏ రంగులూలేని మోసపు ఆత్మీయతకు బలవ్వాలి
ద్రోహపుకాంతి జ్ఞానాన్నీ వెంబడించే అజ్ఞాతహృదయంలోంచి
ఒకోసారి
పిట్టల కన్నీరులోకి
పిల్లల కన్నీరులోకి మరొక కళ్ళతో చూడాల్సిందే
ఒకోసారి
బిగ్గరగా మౌనంలోకి అరవాలి
మాటలన్నీ ఏ ఒక్క దృశ్యమూ కాకుండా
ఒకోసారి
కలలు స్త్రీలు స్నేహితులు రాచపుండ్లు
Tuesday, September 27, 2011
డిస్కౌంట్లో అంత్యక్రియలు
ఇక్కడే
ఈ రోజే ఉచితంగా
మీ రచనలు చదవబడును
మీ జ్ఞానార్జిత సంపదను దొంగిలించబడును
ఫ్రీ ఫ్రీ ఫ్రీగా తీసుకోండి తిరిగి మీ జ్ఞానాన్నే
జ్ఞానవంతులు కావాలని ఆశించండి
ఇక్కడే మరెక్కడా కాదు
డిస్కౌంట్లో దొరికే ఆలోచనలు కొనబడను
డిస్కౌంట్లో ఫ్రెష్ ప్రేమలు అమ్మబడును
డిస్కౌంట్లో ట్రాష్ రచనలు వినిపించబడును
డిస్కౌంట్లో ఫార్స్ సినిమాలు చూపబడును
డిస్కౌంట్లో క్షమాపణలు
డిస్కౌంట్లో అంత్యక్రియలు
డిస్కౌంట్లోకన్నీళ్లు అమ్మబడును
వొచ్చారా
డిస్కౌంట్ పొందండి
పీల్చే గాలిలో నీటిలో నిప్పులో చీకట్లో
ఈ రోజే ఉచితంగా
మీ రచనలు చదవబడును
మీ జ్ఞానార్జిత సంపదను దొంగిలించబడును
ఫ్రీ ఫ్రీ ఫ్రీగా తీసుకోండి తిరిగి మీ జ్ఞానాన్నే
జ్ఞానవంతులు కావాలని ఆశించండి
ఇక్కడే మరెక్కడా కాదు
డిస్కౌంట్లో దొరికే ఆలోచనలు కొనబడను
డిస్కౌంట్లో ఫ్రెష్ ప్రేమలు అమ్మబడును
డిస్కౌంట్లో ట్రాష్ రచనలు వినిపించబడును
డిస్కౌంట్లో ఫార్స్ సినిమాలు చూపబడును
డిస్కౌంట్లో క్షమాపణలు
డిస్కౌంట్లో అంత్యక్రియలు
డిస్కౌంట్లోకన్నీళ్లు అమ్మబడును
వొచ్చారా
డిస్కౌంట్ పొందండి
పీల్చే గాలిలో నీటిలో నిప్పులో చీకట్లో
Monday, September 26, 2011
నకిలీ సమాచారం
అసమగ్ర సమాచారం
దేహంలో కొన్ని మొక్కలు
దేహంలో కొన్ని కిటికీలు
జిగురు, అద్దాలు ఎండిపోవొచ్చు పగిలిపోవొచ్చు
సమగ్ర సమాచారం
మొక్కల దేహంలో
కిటికీల దేహంలో
పగిలిపోయే ఎండిపోయే అద్దాలు జిగురు లేకపోవొచ్చు
ఆచార సమాచారం
భవిష్యత్తులో ఒక్క మృత్యువే నీకూ తెలియకుండా
మృత్యువులో ఒక భవిష్యత్తే నీకూ తెలియకుండా
నకిలీ సమాచారం
ప్రేమించే కన్నీళ్లే శాస్వతం
రమించే జీవితమే శాస్వతం
కామించే మరణమే శాస్వతం
పూజించే భక్తే శాస్వతం
సమాచారం
బానిసలం
బానిసలకి బానిసలం
దేహంలో కొన్ని మొక్కలు
దేహంలో కొన్ని కిటికీలు
జిగురు, అద్దాలు ఎండిపోవొచ్చు పగిలిపోవొచ్చు
సమగ్ర సమాచారం
మొక్కల దేహంలో
కిటికీల దేహంలో
పగిలిపోయే ఎండిపోయే అద్దాలు జిగురు లేకపోవొచ్చు
ఆచార సమాచారం
భవిష్యత్తులో ఒక్క మృత్యువే నీకూ తెలియకుండా
మృత్యువులో ఒక భవిష్యత్తే నీకూ తెలియకుండా
నకిలీ సమాచారం
ప్రేమించే కన్నీళ్లే శాస్వతం
రమించే జీవితమే శాస్వతం
కామించే మరణమే శాస్వతం
పూజించే భక్తే శాస్వతం
సమాచారం
బానిసలం
బానిసలకి బానిసలం
Saturday, September 24, 2011
మనసు
నీ ప్రార్థనకై
పూరేకులన్నీ చేతులు జోడించాయి
అప్రయత్నంగానే
నీ స్నేహానికై
చినుకులన్నీ రెక్కలు విప్పాయి
అప్రయత్నంగానే
ప్రతిచోట నీ శ్వాస
అడుగుజాడలే
ఈదులాడే కాలం
సూర్యచంద్రులని చేరటం లేదు
ప్రేమించే కొమ్మలకే
నీడలు తెలుసు
పూరేకులన్నీ చేతులు జోడించాయి
అప్రయత్నంగానే
నీ స్నేహానికై
చినుకులన్నీ రెక్కలు విప్పాయి
అప్రయత్నంగానే
ప్రతిచోట నీ శ్వాస
అడుగుజాడలే
ఈదులాడే కాలం
సూర్యచంద్రులని చేరటం లేదు
ప్రేమించే కొమ్మలకే
నీడలు తెలుసు
Friday, September 23, 2011
స్నేహితుని స్థలం
సొంత ముఖాన్నే చూసే అయిష్టత
తర్ఫీదులేని అద్దం
ఎన్నో గొంతుకలతో దృశ్యశబ్దాల్ని దాటాలి
నిరీక్షించే సంస్పర్శల మజిలీకై ప్రయాణించాలి
ప్రతిదీ శూన్య వీడ్కోలే
కృతజ్ఞతలు చెప్పేసేయ్ అందరికీ, సమాధీ!
తర్ఫీదులేని అద్దం
ఎన్నో గొంతుకలతో దృశ్యశబ్దాల్ని దాటాలి
నిరీక్షించే సంస్పర్శల మజిలీకై ప్రయాణించాలి
ప్రతిదీ శూన్య వీడ్కోలే
కృతజ్ఞతలు చెప్పేసేయ్ అందరికీ, సమాధీ!
Wednesday, September 21, 2011
తలిదండ్రులులేని స్వప్నాలు
నీ బయట
రాత్రి ఎదురుచూస్తోంది
నిలకడలేని నీడలనీ
కడలి ఒడిలో దాచే పౌర్ణమి
చెట్లపై చీకటి కొమ్మలకీ తెలుసు
చీకటి నీటిలోని చీకటే నీరుకి తెలుసా
వినిపించే నీ బయట
రాత్రి ఎదురుచూస్తోంది
నీ లోపల పెరుగుతోంది
ఒక సన్నటి ఖాళీ పుష్పం
అందుకోవు
తెంపుకోలేవు
తలిదండ్రులులేని స్వప్నాలు
నీ బయట ఎదురుచూస్తున్నాయి
ప్రతిధ్వని ధ్వనినే వినాలనుకున్నావా
ప్రతిబింబ బింబాన్నే చూడాలనుకున్నావా
అదృశ్యమయ్యే
దృశ్యం నీ బయట ఎదురుచూస్తోంది
వెళ్ళావా
రాత్రి ఎదురుచూస్తోంది
నిలకడలేని నీడలనీ
కడలి ఒడిలో దాచే పౌర్ణమి
చెట్లపై చీకటి కొమ్మలకీ తెలుసు
చీకటి నీటిలోని చీకటే నీరుకి తెలుసా
వినిపించే నీ బయట
రాత్రి ఎదురుచూస్తోంది
నీ లోపల పెరుగుతోంది
ఒక సన్నటి ఖాళీ పుష్పం
అందుకోవు
తెంపుకోలేవు
తలిదండ్రులులేని స్వప్నాలు
నీ బయట ఎదురుచూస్తున్నాయి
ప్రతిధ్వని ధ్వనినే వినాలనుకున్నావా
ప్రతిబింబ బింబాన్నే చూడాలనుకున్నావా
అదృశ్యమయ్యే
దృశ్యం నీ బయట ఎదురుచూస్తోంది
వెళ్ళావా
Tuesday, September 20, 2011
ఉయ్యాల నీడల్లో
సిగ్గుపడే
సిగ్గుపడకుండా నా చేతుల్ని కళ్ళని కాళ్ళని నీకు చూపెడతాను
ఎందుకు చూపానో నీకు అర్థమవ్వదు ఎన్నటికీ
ఆకుపచ్చటి చీకటికై
చీకటిలోకి మరలే తెల్లటి చేతుల్ని చాపే చావుకి
నా శరీరాన్ని ఎరువివ్వలేను
పల్చటి నీటి రెక్కలతో బంధించే బాధలకై
వెలుగుని నమిలే వెలుగులో విడిది చేయాలి
నా శరీరాన్నే ఎరువిస్తాను
బరువు రెక్కలతో ఎగిరే పిట్టకి ఆకాశం చులకన
చులకనగా చూసే పిట్టకళ్ళకి ఆకాశం బరువే
రేపటి కెరటాల్లో నిద్రించే సముద్రంలోకి జారుకునే ప్రతి ప్రాణీ
కొన్ని అతుకుల ఇటుకుల ఉయ్యాల నీడల్లో
అతనికీ తెలుసు
ఆమెకై ఎవరూ లేరని
ఆమెకీ తెలుసు
అతనికి తనూ లేదని
తుడుచుకుపోయే కన్నీళ్లే ప్రతి అల తీరం చెంపపై
తీరంలో మన పాదముద్రలు మనకన్నా ముందు నడుస్తుంటాయి
చూసే సిగ్గే
సిగ్గు
సిగ్గుపడకుండా నా దేహాన్నీ ఎత్తుకుంటాను
నన్నే నా దేహం ఎత్తుకోకపోయినా ----
ఎత్తుకునే నా చేతుల్లో
ఎత్తుకునే నా నేత్రాల్లో
ఎత్తుకునే నా కాళ్లో
ఎత్తుకునే నా స్వప్నాల్
ఎత్తుకునే నా మరణాల్
చాలు చాలు చాలు
సూర్యసుఖమేదో
ఈ భూమికే తెలుసు
నాకెందుకులే
సిగ్గుపడకుండా నా చేతుల్ని కళ్ళని కాళ్ళని నీకు చూపెడతాను
ఎందుకు చూపానో నీకు అర్థమవ్వదు ఎన్నటికీ
ఆకుపచ్చటి చీకటికై
చీకటిలోకి మరలే తెల్లటి చేతుల్ని చాపే చావుకి
నా శరీరాన్ని ఎరువివ్వలేను
పల్చటి నీటి రెక్కలతో బంధించే బాధలకై
వెలుగుని నమిలే వెలుగులో విడిది చేయాలి
నా శరీరాన్నే ఎరువిస్తాను
బరువు రెక్కలతో ఎగిరే పిట్టకి ఆకాశం చులకన
చులకనగా చూసే పిట్టకళ్ళకి ఆకాశం బరువే
రేపటి కెరటాల్లో నిద్రించే సముద్రంలోకి జారుకునే ప్రతి ప్రాణీ
కొన్ని అతుకుల ఇటుకుల ఉయ్యాల నీడల్లో
అతనికీ తెలుసు
ఆమెకై ఎవరూ లేరని
ఆమెకీ తెలుసు
అతనికి తనూ లేదని
తుడుచుకుపోయే కన్నీళ్లే ప్రతి అల తీరం చెంపపై
తీరంలో మన పాదముద్రలు మనకన్నా ముందు నడుస్తుంటాయి
చూసే సిగ్గే
సిగ్గు
సిగ్గుపడకుండా నా దేహాన్నీ ఎత్తుకుంటాను
నన్నే నా దేహం ఎత్తుకోకపోయినా ----
ఎత్తుకునే నా చేతుల్లో
ఎత్తుకునే నా నేత్రాల్లో
ఎత్తుకునే నా కాళ్లో
ఎత్తుకునే నా స్వప్నాల్
ఎత్తుకునే నా మరణాల్
చాలు చాలు చాలు
సూర్యసుఖమేదో
ఈ భూమికే తెలుసు
నాకెందుకులే
Monday, September 19, 2011
పుల్లటి నిశ్శబ్దం
ఎవరికి దొరికిందో పిచ్చి నిశ్శబ్దం
ఎవరి చేతిలోనో నిశ్శబ్దం పిచ్చిదైంది
పిచ్చి చేతులో
పిచ్చి మాటలో ఎవరికో దొరికాయి
అందరూ పదిలంగానే
పదిలం ప్రతి నీడా
ప్రఖ్యాతి వీరుడా రా
వీరుడా ఖ్యాతితో రా
మరణంతోనైనా స్వప్నించు
పిచ్చి చావు
చావు పిచ్చి
పదిలం
పదాలే పదిలం
పుల్లటి నిశ్శబ్దం
పుల్లటి పిచ్చి
ఎవరి చేతిలోనో నిశ్శబ్దం పిచ్చిదైంది
పిచ్చి చేతులో
పిచ్చి మాటలో ఎవరికో దొరికాయి
అందరూ పదిలంగానే
పదిలం ప్రతి నీడా
ప్రఖ్యాతి వీరుడా రా
వీరుడా ఖ్యాతితో రా
మరణంతోనైనా స్వప్నించు
పిచ్చి చావు
చావు పిచ్చి
పదిలం
పదాలే పదిలం
పుల్లటి నిశ్శబ్దం
పుల్లటి పిచ్చి
Subscribe to:
Posts (Atom)