ఏదీ నమ్మవు
దేన్నీ నమ్మాలనుకోవు
నమ్మకమూ అమ్మకమేనంటావా
వ్యాకరణం వాయువై కదలదు
వార్ధక్యం ఆయువై నిలవదు
స్నేహం ప్రేమై తిరిగి రాదు
ఎక్కడో నమ్మకం పువ్వులై పగిలిపోతుంది
ఎక్కడో పగిలిన పువ్వుల్లో నమ్మకం గుచ్చుకుంటుంది
అదేదీ కాదులే
నమ్మకం నీ పదాలపై తిరుగాడే అసహ్యం
చూసే ప్రతీదీ
కొంత నీలో మరికొంత బయట తగలబడుతూ మసైపోతూ
తలూపుతూ అద్దాలు నీలోకి
తలాడిస్తూ నీవు అద్దాలలోకి
నమ్మకమే దాగి ఉండదు ఎక్కడా
దాచుకో దాచుకో దాపరికం లేకుండా
No comments:
Post a Comment