Followers

Monday, December 28, 2015

తడవని కన్నీరే


తెరవని ఖాలీ కాగితం
అక్కడెక్కడో కొంత జీవితం

చూడని నేత్రాలే
నేత్రాలే చూడవు

వెళ్ళవు శ్వాస సువాసానలో
నిర్గమ మృతపదాలు

శాంతి రహస్యం
చంద్రుడికే సూర్యుడికే

గాలే కలలో రాక
మనసే శూన్య పుష్పవిక్రాంతి

అడగొద్దు
నేనో దొంగనని

కలవని గాలే
దాయకు

దేహం ఓ జాడలేని శిల్పం
నిద్రే దూరమ్

ఫలించని స్వప్నాలే
సూర్యప్రాణం

తడవని కన్నీరే
ఎల్లప్పుడూ

నాచు నిద్ర

యిదేదో సమయించు సమయం 
అనివాస పుష్పయంత్రం

నల్లటి సిగ్గుతో పర్వతాల్లో
ప్రవేశించే నాచు నిద్ర రక్తం

మూయాలి మోయాలి
అదృశ్య నిరీక్షణై

యెక్కడికి తిరిగొచ్చిందో
నేత్రానికి యెప్పటికి తెలియు

కాస్త కానిస్పర్శ కన్నీటిలో మిగిలి మెదిలి
పొడి పొడి అద్దాల్లో కరిగి పెరిగి

తెగిన వేళాకోళాలు

Saturday, August 15, 2015

) “-? :తె, లు.! సా; ’’ (

తమకు
స్వర్గ ఛాయ –
మరి
మలుపు;
( ),
పోనీ
వి:
శ్రాం?
తి’’ తీ
*
యి
చ
ట
మీరా...
నీడా
వివస్ర్త(
*
లో
కాకుల
లో
*
డినోమా
*
కాకూడదెన్నడూ‘‘
*
పవనం
వొక నైరూప్య
జ(ల)గం‘
)కం)
*
‘
క
వనం
దాని
హస్త ’యోని;
*
తొలి
మస్తిష్క సంబంధి
*
చషక బందీ
మలి
నం
...............
*
సుదీర్ఘ కవితా
*
)ఎం ఎస్ నాయుడూ
*
అనంతూ(
...............
15.తూచ్.15()

Friday, August 14, 2015

క్షమాపణ

కంటి కుబుసం కరిగించి 
నాలుకలోపల దాచి వొస్తుంటే 

శిధిలాగ్నికీలల్లో దగ్దాశ్రువు
ప్రతిబింబ ప్రదర్శనశాలలో

మిత్రమృత్యువు 
వెతుకుతుంటే 

తాత్వికత రాదు 
మిణుకులీనే అంధకారస్పర్శ 

కష్టమైన ఆహ్వానం 
ప్రేమ 

ఆనందం 
అవిశ్వాస వ్యసనం 

నువ్వు నవ్వు నీలో 
చెదిరిన కన్నీటికై  

Sunday, January 11, 2015

తిరిగి చూడని అద్దం

దారం లోపలి నీడ 
కన్నెప్పటికి తెరుస్తుంది 

పదాల ఇంద్రియాలతో 
వాక్యాల్ని తెరిచే జ్ఞాపకాలు 

పిరికివాళ్ళతో 
సూర్యాస్తమయాల్ని వృధా చేయాలి 

రాత్రుల్ని మోసగించాను 
చూడని రాత్రికోసం 

అశాస్వత స్పర్శలు 
నిశ్శబ్దాలు, స్త్రీలు తెలిస్తే 

తిరిగి చూడని అద్దం 
చూడాలనుకున్న అద్దం ఏది 

అక్షరాల్లోని పెదాల్ని ముట్టుకునేలోపే 
వృద్ధాప్య సౌందర్య సువాసనలు 

Monday, January 05, 2015

లేమి

అద్దాలు 
అక్షరాలు 
అనుభవించే శరీరం లేదు

నీడని 
నీటిని 
తాకే నేత్రం లేదు

శబ్దాలు 
మౌనాలు 
దాటే మనసు లేదు

శోకాలు
నవ్వులు 
దాచే వాక్యం రాయలేను

ఎన్నటికి ప్రేమిస్తాను 
విరిగిన కలల్ని 
తెలియని పదాల్తో

వొదిలెళ్ళే జ్ఞాపకాల్ని 
ఎప్పటికీ మన్నించను

తీరిగ్గా నిద్రపోవాలిక

Wednesday, December 03, 2014

నగ్నసమాధి


నల్లటి ముఖాలపై నల్లటి నవ్వుల కురుపులు 
కడుపులోని నల్లటి కలలపై నువ్వుల మెరుపులు 
మెడలోని కణితి కంటిలోకి సూర్యుడి చినుకులు 
తొడలోని తోకకి తామరాకుల నీడలు 
చనిపోయాక కూడ ఏమి చదువుతారు 
రాయటానికి అక్షరాలేమైనా నగ్నసమాధులా 

Sunday, October 19, 2014

శ్వాస

నీడల నిదుర  వెదురు గాలిలో 
ఉన్నపళంగా తోవ దొరక్క

తెలియని బోసి పెదాలు 
నమ్మని అద్దాలు 

నిష్కపట కృతాంతుడా
నీ గది బైట నిలబడింది నువ్వేనా 

ఊరడించే అపరాధాలే ఆధారం 
లోహవాయువు ఆరాధనలో 

లోభీ!
కళ్లపై కలల కనికట్టు అట్టిపెట్టు 

ఒంటె పాదాల నేత్రాలతో 
నాలోకి రా 

Tuesday, April 29, 2014

మౌనద్వారం

ఆకస్మిక cosmic చిరునవ్వు
నిన్నే ఎందుకు ముద్దుపెట్టుకుంది 

దుఃఖకౌగిలి వ్యాకరణంలో వాత్సల్యవాయువు 
నిన్నే ఎందుకు చుట్టుముట్టింది
వ్యసననయనాలతో అశ్రువులు 
నిన్నే ఎందుకు చూశాయి
నిర్జీవమైన పదాల్లోకి
నిన్నే మనసుశ్వాస ఎందుకు ఊపిరితీసుకుంది
రంగుల్లేని గాలి 
నిన్నే ఎందుకు పిలిచింది నిర్బింబ అశూన్యంలోకి
ఇక కలవరపడకులే... 
రేయింబవళ్ళు లేవు 
భగవంతుడు లేడు 
శబ్దాలు లేవు 
కన్నీళ్లు లేవు

నీ స్నేహపు దారి 
ఎందుకు మూసేసావు యకాయకి 

                                                                  - రామిశెట్టి విజయకృష్ణకి

Friday, April 04, 2014

గాలిని మింగాను

కావాలనే కదూ 

కల ఇవతల చనిపోయావు 



కలవలేని కలపలేని 


కన్నీటి కనికరం


ఎందుకులే 



సువాసనే 


దుఃఖంది 



హత్తుకున్న ఖాళీ 


హృదయం ఏ ప్రేమదో 



కోరిన కోరిక 


కానుకై వస్తే 


అది మనసుశ్వాసే 



నిద్రలేక గాలిని మింగాను

Thursday, April 03, 2014

మృగమౌనం

bathos or pathos

కొన్ని అంతే మింగుడు పడవు
పడుపు పడవల వలల పడవ కడుపు అంతే 
అంతా ఓ అల
ఓ మృగమౌనం

తెరవని తలుపు తెలుసు
తెరిచినా తలుపులోని తెర తెలియని
గాలి గాజు మిగిలి

పారదర్శకత ఓ వ్యసనం

Wednesday, March 12, 2014

ఆఖరి ఖాళీ

ఎందరో నిద్రపోతున్న సమాధుల్లో
ఇష్టంలేని నిద్రతో ఎందుకు వెళ్ళానో


కన్నీటికైనా తెలిసిందా

ఖాళీశ్వాస అక్షరాలతో
ఖాళీయోని ప్రేమతో
అద్దంలో చూడని అద్దంలో
అందం ఏ శ్మశాన సువాసనో


నీటి ఎముకలు పగిలి

Friday, January 31, 2014

బతకాలి

నేత్రాలు వొకోసారి రావు 

నీడలే నీడలకి నీడ 



యెన్నాలైనా ముగిసిపోని 


పనికిమాలిన మూర్ఖత్వం 



అరచేతుల్లో కాస్త నిద్ర 


హృదయం లేదు 



నువ్వే నువ్వే 


శ్వాసాంత దుఃఖరేణువువి 



అనువాదం రాదు 


కన్నీళ్లు కన్నీళ్ళపై కనిపిస్తే

Saturday, November 16, 2013

ఎరసం

ప్రతి చిగురు చెట్టుని ఆక్షేపిస్తుంది 
ప్రతి చెట్టూ చిగురునే ఆక్షేపిస్తుంది 

"ఇంకొంచెంసేపు"
అనాక్రోశ శ్వాసే అనుకుంటుంది 

దుప్పట్లు చప్పట్లు ఓ బైక్షము 
పదాలూ అంతేనా 

శ్వాస ప్రయోగాలేనా అక్షరాలంటే 
స్వార్జిత ఆర్థిక స్తోమత ఇప్పటికీ ఏ కంటికీ లేదే 

దిక్కుమాలిన మనుషులే 
ప్రతి సమాధిలోకి 

ఎరసం 
ప్రతి నెత్తుటిలో 

Tuesday, October 29, 2013

పుట్టని పదంలో

అపహాస్యం కావాలి కన్నీళ్ళకి 
రెక్కలు కొట్టుకునే బాధతో 
ప్రతిరూపాలే కాని రూపంతో 

అప్రయోజక ప్రేమకై 
కలలపై కలలు కలంకారి కాలంలో 

దక్కని దారిలో నలుపే తెలియని రహస్య శ్వాస 
ఏ ఆకర్షణాలేని అక్షరాలు అద్దంబైట 

వణుకై రాత్రంతా విషమై ముసిరి 
అప్పటి చూపుకై మరలి మరలి 

జారే నరకిన నేత్రాలు 
మారే విరిగిన మాటలు 

దూరమే దూరం 
పుట్టని పదంలో 

గాలే తెలియాలి గాలిలో 

Saturday, August 31, 2013

నాలోకి

రెక్కల్లేని పదాలతో ప్రేమని కోరుకోలేను 
ప్రేమించే పదాల్లో లెక్కలు కోరుకోలేను 

జీవించటం ఓ ఎదలేని కురుపు 

సందర్శించే సందర్భసమయం ఓ అధికార వాంఛ 
వర్ణించే వర్ణం మౌనమే 

తడిచిన ఆలోచనల్లో 
కుళ్ళిన కన్నీళ్లు 

మసి మాటలో 
మాటల మసో 
గుండెలో ఓ స్మరణ నిష్క్రమణ 

నల్లటి నవ్వు 
నాలోకి 

Friday, August 16, 2013

పదాల పసితనం

సూచించే పదాలే 
సూచించని పదాల మధ్య వో చిక్కని పదం వేళ్ళాడుతూ 

తయారు చేసే పదాలు కొందరికే అందుతాయి 
అదృష్ట అంధకార స్వప్నంలో 

దొరకని దుఃఖం 
దిగులు మిగులు 

నిష్కపట మనసు రొమ్ముల్లో 
నిజాయితీ ఎంత 

దేహమో, దుర్మార్గామో 
దేహీ అనాల్సిందే 

పసితనం కోల్పోయిన పదాల్లో 
పదాల పసితనం ఎంత 

అలసిన నేత్రాల్లో 
అక్షరాల్ని వెదకకు 

కొన్నే అబద్ధాలు 
అక్షరాల శ్వాసలో 

కోరుకునే కోరికలే 
నిరక్తరుతువులు 

రిక్తపదాలు ఏ నేత్రాల్లోనో 

Thursday, August 08, 2013

అలల సమాధుల్లో

ఉత్త పెదాల్నే కడుక్కుని వొస్తాను 
పెదాల్ని అక్కడే వొదిలి 

కాస్త నిరాకరించే అక్షరాలు 
ఎప్పటికీ లేని మౌనంలో 

అలవాటుకాని ఆకారాలతో పదాలు 
పెదాలే అలవాటైన అలల అలక కలలో 

ఉజ్జాయింపు జోల ఛాయలు జాయ్లు బైబైలు 
మాటల వేళ్ళ చివర్లుంచి 

ఇంకా నిర్మితంకాని వృక్షాల్లో 
నిర్మించిన పశువులు, పక్షులు, ప్రజలు

అనుటకు, అనుకొనుటకు 
యే స్పర్శ కావాలి ఈ పంది కళ్ళకి 

సురక్షిత అలల సమాధుల్లో 
ఓ స్వాపము 

Sunday, August 04, 2013

నీలో ఉందా

అంత నిద్రలేదు నిద్రలో 
నమ్మలేని రేపటి నిద్ర 
దరిదాపులో లేదు 

నిశ్శబ్ద యోని కాంతి 
ప్రతి చిగురులో 
ఎవరి ఉదయమో అది 

అంతమయ్యే అద్దం అడ్డమే 

నీలో ఉందా 



Monday, July 15, 2013

జ్ఞాపకాలే జననజ్ఞానమా?

అక్షరాల చోద్యం చూడాలి
చూసే కళ్ళకి అక్షరాలు తేవాలి

దుర్గతి రాత్రిలో రాతి రతి

నేత్రాల్ని మోసుకెళ్ళే యాత్రిక యాంత్రిక యోని జ్ఞానీ
శుభ్రపరచని స్వప్నంలో యింకెంత కాలం ఏ కాలమైనా

నిశ్శబ్ద నిశ్శబ్దంలో నిర్మాణ నిర్యాణం
వీరులు వీర్య విక్రమాదిత్యులు విరామవెక్కిళ్ల చీకటి

బురద దురద బతుకు మెతుకు గెంతేలోపే గెంటేయాలి గోతిలోకి దిగిపోవాలి
అయోగ్య పశ్చాతాపాల జ్ఞాపకాలే జననజ్ఞానమా

వెతికే నీడ ఎవరిదో