మాటల మౌనం

సన్నటి అక్షరాలపై లావుపాటి కాయితాలు
ఎవరు రాసిన పదాలో

అంత్యక్రియలు పూర్తికావు
~శ్వాస స్థలం భస్మం కాదు ~

ఆకారాలన్నీ సన్నని పాదాలపై మరుగుజ్జు పదాలు
ఎవరు ఎప్పటికి ఎక్కడికి చేరారో చేరాలో

అడుగులు అడుగుజాడలు ఆగడాలు అంతమవ్వవు
~జన్మస్వప్నం అందదు~

ఈ కుళ్లిన కాయితపు మెడలో
నా పక్కటెముకల్ని తొడుక్కున్నా

~పక్కకి రా, నీ కల నీకిచ్చేస్తా~
మాటల మౌనం ఏ ముసుగులో ఉందో