ఇదే చివరి కాయితం
ఇప్పటి రాత్రి చివరిదీనూ
కొనసాగే మాటల్లోని మాటలు
నేత్రగర్భాల్లోని నిశ్శబ్ద వైరుధ్యాలు
ఎవరెంతసేపో చూస్తున్న చిత్రాలన్నీ
ఖాళీ ధ్వనుల్లోనే శిలాజాలై
ఇంతకీ మనకొక కౌగిలిలేని స్వేచ్చ
ఎంతకీ తరగని మౌన తమస్సు
తుప్పర తుప్పర దేహాశ్రువులు
ఎవరెవరివో, చూడకే
ఒక్కోసారి బతికుండం
మరోసారి బతికుండాలనుకుంటాం
ఇదే చివరాఖరి శిల్పనేత్రం
బయలుదేరిన చూపులోనే శిల్పాశ్రువు
No comments:
Post a Comment