°° తప్పు నాదే ఎందుకైందో °°

 మిగిలిన అక్కడి అలలని వొదిలి

కలలోకి ఎగిరే కడలిని నాలో మోసుకుంటూ.

స్పృశించిన ఎడారి తడి ఇసుకలో

దేహం ఓ దారితప్పిన చేప.

నేత్ర దేవాలయాల్లో మోహం

కనిపించినా తీరదు, దొరకదు.

మౌనశిల్ప హృదయం

ఎగరాలనే.

బట్టలిప్పేసే పదాలు ఎక్కడో ఉంటాయి శిలలై.

రోగులు ఎవరూ మరణించరు.

కీర్తి

గడ్డకట్టిన అంధత్వం కాకపోతే చాలు.

ఓ కొత్త తోక

నా నాలుకపై.

సాలిగూడులో ఉన్నా

ఎవరో తెంపాలని ఎదురుచూస్తున్న.

కనికరించకే.