ఎక్కడికి చేరాయో
గాలి ముత్యాలు
ఇంతలో-
నదిలోకి తొంగిచూసే మేఘపుష్పాల్ని
అందుకోవాలి
ఆకాశంలోకి తొంగిచూసే హరివిల్లు పెదవిని
అందుకోవాలి
కొండల్లోకి తొంగిచూసే చందమామ సిగ్గుని
అందుకోవాలి
తోటలోకి తొంగిచూసే సీతాకోకల పరిమళాల్ని
అందుకోవాలి
ఆమెకి చెప్పలేదు
ఇవాళ అందుకోవాల్సినివి ఎన్నో ఉన్నాయని
ఆమెకి చెప్పేవి
ఇవాళ ఎన్నున్నా చెప్పకపోతేనే నయం
గాలి ముత్యాలు
ఎక్కడో చేరాయి
No comments:
Post a Comment