మరొకరిలోకి

బయలుదేరాలి

ఒకరి నుంచి మరొకరికి

మరొకరి ఒకరిలోకి

చేరని విరామ దుఃఖమే

కొత్త లోకపు పునాది

మాటలు మాటలలోకి

ఇంకే మాటల సాన్నిహిత్యం

తెరవని వాక్యం కింద లేరెవరూ )( పరితపించే పదాల మధ్య మిగలరెవరూ)( రక్తపు నీటిలో ఈదుతుండే అక్షరాలని ఆపేదెవరు)

(వెనక్కి నడిచే చీమలు)( విత్తనాల్నితగులపెట్టే కళ్ళు )

( అండ త్రిభుజాలు)( సామూహిక వాంతులు)

( నిద్రించే దేవాలయాలు)
( దేవులాడే దాహార్తి)

విస్తరించు నర్తించు నటించు(

)మూసిన వాక్యంలోకే ప్రవేశించాలి)( ఆరబెట్టిన పదాల్ని వెంటేసుకుని

మరొకరిలోకి
ఒకరెవరో నిష్క్రమించాలి