ఖాళీ లేని శూన్యం

నా బయట కొన్ని అచిత్రాక్షరాలు

నీ లోపల మరికొన్ని అక్షర చిత్రాలు

ఎవరి సంకేతాలు ఎవరికి చేరతాయి

చేరని సంఘటనలు ఎవరివి

ఎవరెవరి కోసం

సంజ్ఞల నిశ్శబ్ద స్పర్శ

స్పర్శల సంకేత నిశ్శబ్దం

ఎవరిని వెతుకుతుంది

యధాతథ యథార్థాల్లో యాత్రించే

యముని యశస్సు యెంత

ప్రతిదీ ఒకానొక చిత్ర వ్యక్తీకరణ

అవ్యక్త చిత్ర పదాల్లో నిజమెంత

పదాల అనుభవంలో నిజం ఉందా

లిపిలేని ఆలోచనలనే అనుభవిస్తున్నామా

ముడిపడని ముడివిడవని మాటల అనుభవం ఏమిటి

ఖాళీ లేని శూన్యం

ప్రవేశించే పదాల ఖాళీలో అనుభూతి యెంత

తిరిగి పలకని కల