ఇదో రాత్రంతే
మరోసారి అదే రాత్రి
ఎంత రాత్రో ఎవరికి తెలుసు
మరోసారి ఏ రాత్రో ఎవరూ లేకుండా
ఏమీ అవ్వలేను
ఏమీ అవ్వనవ్వదు
ఏమీ అనదు
ఇదో రాత్రిలేని రాత్రంతే
గుండ్రటి కళ్ళల్లో కలలెన్నో
సమాధులపై తేలే మనసులెన్నో
ఏది ఏదెక్కడో రాత్రికెందుకు
చూసేవి వినిపిస్తుంటే
దేహం ఓ అనిశ్చిత ఫుల్ స్టాప్
నాలుకతో శవాన్ని మోయాలి
అద్దాల్ని నీడల్తో కడిగి
నీడల అద్దాల్ని చదవాలి
మరెవరో మరోసారి
మరోసారి మరెవరో
మడతల మగతల ముసుగులో
తీరంలోని గులకరాయితో
ఆడుకుంటూ అలలు
మరోసారి అదే రాత్రి
ఎంత రాత్రో ఎవరికి తెలుసు
మరోసారి ఏ రాత్రో ఎవరూ లేకుండా
ఏమీ అవ్వలేను
ఏమీ అవ్వనవ్వదు
ఏమీ అనదు
ఇదో రాత్రిలేని రాత్రంతే
గుండ్రటి కళ్ళల్లో కలలెన్నో
సమాధులపై తేలే మనసులెన్నో
ఏది ఏదెక్కడో రాత్రికెందుకు
చూసేవి వినిపిస్తుంటే
దేహం ఓ అనిశ్చిత ఫుల్ స్టాప్
నాలుకతో శవాన్ని మోయాలి
అద్దాల్ని నీడల్తో కడిగి
నీడల అద్దాల్ని చదవాలి
మరెవరో మరోసారి
మరోసారి మరెవరో
మడతల మగతల ముసుగులో
తీరంలోని గులకరాయితో
ఆడుకుంటూ అలలు
No comments:
Post a Comment