తాళంలేని తాళపత్రాల్లో అనేక తొనల ఫెళఫెళల గొంతుల భాషని ఎవరు విన్నారో. విరుగుతోన్న నాలుకపై చెదల నాలుకలు. అక్షరాలతో భక్షించిన సత్యమంతా తలతలల కల్పితమేనా. చింపిరి మాటల దాగుడుమూతల్లో రంగురంగుల రక్తం. విస్తరించని నేత్ర మౌనం. దోచుకోలేని అనాది పరిమళాల సృష్టి. నిలవనీడలేని గతం. తాకిన ప్రతీదీ ఒక చల్లటి స్వగతం. అడ్డుగోడలు తునాతునకలయ్యే తలక్రిందులయ్యే శరీరంతో ఉన్నానేమో. తారట్లాడే నిగనిగల తారల తడి పాదాలు బురద ఆకాశంలో మెత్తటి ముత్యాలు. మారుతాళాలులేని సూర్యుడు ఏ వాక్యంలోనో చంద్రవంకై. నువ్వు ముట్టుకునే రొమ్ముల్లా. ఇబ్బడిముబ్బడి నగ్ననటనలు పాదాల మధ్య కునుకు కుంకుం చెరుపుకుంటూ అనాక్రందనతో. కలవని కళ్ళతో భీతిల్లిన నిరీక్షణతో వీర్య శాంతి. విధేయ దేహం విరోధే. ఎవరి దయో కనికరించే ప్రతి శ్వాస తలారికి. జరుగు జరుగు జరుగుబాటు లేనోడ్ని. తాళం లేని ఆకలి మబ్బుల్లో అనేక నీడల నీడలు.
No comments:
Post a Comment