చీమ పాదాలు నిద్రించే సూర్యాస్తమయాల్లో

దేహఖనిజాల్ని భద్రపరుచుకునే

క్రీడ

తెలియకపోవటం అందరికీ అభ్యంతరం కాదు

అంతరాయమంతా

చూసిన కలంతా

ఎగర్లేని కంట్లోంచి అమ్మ చేతులు తాకవు

దుఃఖానికీ లేని అతిధులు

ఈ సమయంలోని స్నేహితులు

ఆకుల్లోంచి కనిపించే చెట్టు

మరొక వల

వెంట్రుకల్తో బట్టలిప్పుకున్న నిశ్శబ్దం

నోరుతెరిచి ఉంచిన కన్నీళ్ళే

ఊపిరిలేని నాలుకతో

ఏ సూర్యాస్తమయాన్నీ చూడను