Followers

Monday, June 11, 2018

|| స్వప్న శబ్దం ||

వొమ్పు 
ఒంపు తిరగని మాటల ముళ్ళనే 
నీరులేని కంటిలో ప్రేమలేని ప్రేమలో 
బంధించిన శబ్దాల్లో 

దరిచేరిన దాగుడుమూతల్లో 
దాపరికంలేని దూరాల్లో దగ్గర్లో 
నిశ్శబ్దంలేని నిశ్శబ్దాల్లో 
వొమ్పు ఒరగని ఎరగని ఒంటరితనాన్ని నీలో 

ఏ కట్టుకథలోనో 
బతికే బతుకుకై బతికేస్తావ్ బులబులాగ్గా 

పొరలు పొరలుగా పొర్లాడు 
నీడల నసలో 

వొకానొక నగ్నవృక్షంపై 
కాస్త ఆలస్యంగా నిద్రిస్తాను 
ఒడలిన వదిలిన ఆత్మీయ శూన్యంలో 

చల్లారని రాళ్లు తేలాడుతూ 
విరిగిపోతూ అగమ్య బాల్యంలో 

ఎప్పటికైనా 
కల మాట్లాడితే 
కన్నీళ్ల వాసన పీలిస్తే 
మరో మరణాన్ని జీవిస్తానేమో 

No comments: