Followers

Monday, December 12, 2011

జీవితం దేన్నీ ప్రేమించదు


ఆ చివరి కలకోరిక తీరనేలేదు. ఆ కోరికకల చివర తీరినఖాళీ. తీరాల్సినఅనుభవాలే ఎపుడూ లేవు. లేనిఅనుభవాల్లోంచే దేన్నో ప్రేమిస్తాం. లేని ఆలోచనల్లోంచే దేన్నో ప్రేమిస్తాం పొందామని. సోదిచెప్పే మాటల్లో మాటల సొద మిగిలిపోతోంది. పిట్టలుఏడ్చినా వినలేని జన్మ. నకలు కలలే ఇప్పటికీ. నకిలీ కలలే మాటిమాటికీ. మాటమాటకీ నకిలీ మాటలే. ధ్వని ఒకవిధ్వంసం. ఒక ఆత్మహత్య. స్పర్శ ఒక హత్య. ఎవరి నిశ్శబ్దంలోనో మనం పలకరించుకుంటాం. పలికే నిశ్శబ్దమే ఓ అద్దం. అడ్డమయ్యే అబద్ధాలే న్యాయ యంత్రాలు. తార్కిక దుఃఖం మరో స్నేహద్రోహం. క్రీనీడ శబ్దాల్లో నేత్రహృదయం. దొరకదు నిష్క్రమించే దుఃఖద్వారం. ఏ ఒక్క ఒంటరి జ్ఞాపకమూ లేదిపుడు. జీవితం ఓ అభిప్రాయమే. కొన్ని పదాలతో.

4 comments:

పల్లా కొండల రావు said...

కానీ , జీవితాన్ని మనం ప్రేమించాలి .

sharma said...

కానీ , జీవితాన్ని మనం ప్రేమించాలి .
super like!!

రసజ్ఞ said...

చాలా బాగా చెప్పారు!

ఎం. ఎస్. నాయుడు said...

namaste. thank you raogaru, sharmagaru, rasajnagaru.